विदेशमन्त्री जयशंकर नेपाल आउँदै

काठमाडौं । भारतीय विदेशमन्त्री एस जयशंकर नेपाल आउने भएका छन् । नेपाल–भारत संयुक्त आयोगको बैठकमा भाग लिन उनी भदौ ४ गते विहान नेपाल आइपुग्ने भएका हुन् ।

जयशंकरले नेपालमा राष्ट्रपति विद्यादेवी भण्डारी, प्रधानमन्त्री केपी शर्मा ओली, सभामुख कृष्णबहादुर महरालाई छुट्टाछुट्टै भेट्ने छन् ।

भदौ ४ गते आयोगको बैठकपछि परराष्ट्रमन्त्री प्रदीप ज्ञवालीले मन्त्री जयशंकरलाई दिवा भोज दिनेछन् । उनी भदौ ५ गते विहानै भारत फर्किने कार्यक्रम छ ।