प्रधानमन्त्री मोदी भन्छन्, “संविधानको धारा ३७० खारेज गर्नु आन्तरिक मामिला हो”

एजेन्सी । भारतका प्रधानमन्त्री नरेन्द्र मोदीले भारत सरकारले जम्मू-कश्मीर राज्यलाई विशेषाधिकार तथा विशेष मान्यता दिने संविधानको धारा ३७० खारेज गर्नु आन्तरिक मामिला रहेको बताएका छन् ।

प्रधानमन्त्री मोदीले आज बिहान इकोनॉमिक टाइम्ससँगको अन्तरर्वातामा यो फैसला भारतले धेरै सोचेर गरेको बताएका हुन्।

कार्यक्रममा बोल्दै मोदी म जुनसुकै ठाउँमा गएर पनि यो स्पष्ट गर्न चाहान्छु, कि यो हाम्रो आन्तरिक मामिला हो । यसले हामीलाई नै फाइदा गर्ने छ ।

उनले आजको बिकासको युगमा आर्थिक विकास बन्द वातावरणको कारण हुनै नसक्ने बताएका छन् । संविधानको धारा ३७० को सरकारले गरेको फैसलाले पर्यटन, कृषि, आईटी, स्वास्थ्य सेवा लगायतका क्षेत्रमा धेरै विकास हुने जिकिर गरेका छन् ।

भारत सरकारले जम्मू-कश्मीर राज्यलाई विशेषाधिकार तथा विशेष मान्यता दिने संविधानको धारा ३७० र अनुच्छेद ३५ए खारेज गरेपछि विवाद बढेको हो।