नेकपा नेता ढकालको घरमा बम विष्फोट

३१ साउन, काठमाडौं । नेकपा नेता तथा प्रदेश नम्बर ५ का प्रदेश सभा प्रमुख सचेतक भूमिश्वर ढकालको घरमा पेट्रोल बम विस्फोटन गराइएको छ । विस्फोटन कसले र के उद्देश्यले गरेको हो भन्नेबारे प्रहरीले अनुसन्धान थालेको छ ।

ढकालको घरमा गएराती तीनवटा पेट्रोल बम प्रहार भएको र त्यसले घर कम्पाउण्डमा पार्किङ्ग गरेर रखेको गाडीमा क्षति पुगेको प्रहरीले जनाएको छ । उनले प्रयोग गर्ने लु १ ज ४५६ नम्बरका गाडीमा लक्षित गरी बम प्रहार भएको छ । गाडीको पछाडिको भाग जलेर क्षतिग्रस्त भएको छ । ढकाल गम्भीर बिरामी भएर काठमाडौं स्थित मेडिसिटी अस्पतालमा उपचार गराइरहेका समयमा उनको निवासमा आक्रमण भएको छ ।

सैनामैना–८ रामापुर कलौनीमा रहेको उनको घरमा पत्नी, बाबा–आमालगायत बस्दै आएका थिए ।