मौसम बदली : आज राति पानी पर्ने

३१ साउन, काठमाडौं । देशका अधिकांश स्थानमा शुक्रबार वर्षा हुने जल तथा मौसम पूर्वानुमान महाशाखाले जनाएको छ ।

पश्चिमी भूभागहरुमा आंशिक देखि सामान्य बदली तथा पूर्वी र मध्य भूभागहरुमा सामान्य देखि पूर्ण बदली रही पश्चिमी भूभागका केही स्थानहरुमा र मध्य र पूर्वी क्षेत्रहरुका धेरै स्थानहरुमा मेघगर्जन र चट्याङ्सहितको हल्का देखि मध्यम वर्षा हुने मौसमविदले जनाएका छन् ।

देशको पूर्वी तथा मध्य भूभागका एकदुई स्थानहरूमा भारी वर्षाको सम्भावना रहेको महाशाखाले जारी गरेको सूचनामा उल्लेख छ । देशभर शुक्रबार राति पनि मौसम बदली भएर पानी पर्ने सम्भावना छ ।