विष्णु रिमालको ट्वीट : प्रमको स्वास्थ्य ठीक छ !

३१ साउन, काठमाडौं । सिंगापुरमा उपचार गरेर प्रधानमन्त्री फर्किएका केपी शर्मा ओलीको स्वास्थ्यमा समस्या देखिएको छ ।

प्रधानमन्त्रीकै स्वास्थ्यका कारण हिजो ‘बिहीबार’का लागि बोलाइएको नेकपा सचिवालयको बैठक आज ‘शुक्रबार’ ३ बजेका लागि सारिएको छ ।

प्रधानमन्त्री सरकारको बाक्लो कामको धपेडीका कारण थकित भएको भन्दै प्रधानमन्त्रीका प्रमुख राजनीतिक सल्लाहकार विष्णु रिमालले प्रधामन्त्रीको स्वास्थ्य ठीक रहेको ट्वीटरमा ट्वीट गर्दैै बताएका छन् ।

रिमालको ट्वीटमा लेखिएको छ, ‘सिंगापुरमा स्वास्थ्य परीक्षण गरी स्वदेस फर्किए लगत्तै पार्टी र सरकारको बाक्लो कामको धपेडीले सम्माननीय प्रधानमन्त्री केही थकित हुनुभयो । जसका कारण सचिवालय बैठक एक दिनका लागि स्थगित भयो।

यसै आधारमा उहॉको स्वास्थ्य अवस्था बारे अडकलवाजी सहित केही मिडियामा संप्रेषित अफवाहहरू निराधार छन्। प्रमको स्वास्थ्य ठीक छ । उहॉ बिहानबाटै नियमित भेटघाट र बैठकहरूमा संलग्न रहनु हुनेछ।’

रिमालले प्रधानमन्त्रीको स्वास्थ्य अवस्थाप्रति निश्चिन्त रहन आग्रह गर्दै चासो राख्नु हुने सबै शुभचिन्तकहरूमा धन्यवाद पनि दिएका छन् ।

यस्तो छ, रिमालले बिहीबार राति गरेको ट्वीट :