नेकपाकाे सचिवालय बैठक जारी

काठमाडौं । नेपाल कम्युनिष्ट पार्टी ‘नेकपा’काे सचिवालय बैठक अहिले बसिरहेको छ। प्रधानमन्त्रीको सरकारी निवास बालुवाटारमा भइरहेको बैठकमा नेकपाका दुवै अध्यक्ष प्रधानमन्त्री केपी शर्मा ओली र पुष्पकमल दाहाल, नेताहरु झलनाथ खनाल, बामदेव गौतम , ईश्वर पोख्रेल, माधव कुमार नेपाल , विष्णु पौडेल, राम बहादुर थापा, नारायणकाजी श्रेष्ठ सहभागी छन् ।

बिहीबारका लागि बोलाइएको बैठक प्रधानमन्त्री अस्वस्थ भएपछि शुक्रबार अपरान्ह ३ बजेका लागि बोलाइएको थियो । शुक्रबार ३ बजेका लागि बोलाइएको बैठक बिहान ११ बजेका लागि सारिएको हो । बैठकमा कार्यविभाजनका बाँकी काम टुंगो लगाउने तथा स्कूल विभागको जिम्मेवारी तोक्ने छलफल हुने बताईएको छ ।

स्कूल विभागको जिम्मेवारी लिनका लागि रक्षा मन्त्री ईश्वर पोख्रेल, नारायणकाजी र घनश्याम भुसालले दाबी गर्दै आएको स्रोतले बताएको छ ।