आखिर किन लुकाइँदै छ ओलीको स्वास्थ्य रिपोर्ट ?

काठमाडौं । प्रधानमन्त्री केपी शर्मा ओलीको स्वास्थ्य रिपोर्ट लुकाउन खोजिएको विषय नेपाली राजनीतिको हट केक बनेको छ । सिंगापुरमा स्वास्थ्य परिक्षण गरी स्वदेश फर्केको दुई दिन बित्न नपाउँदै प्रम ओली पुनः अस्वस्थ भएको खबर सार्वजनिक भएपछि जनमानसमा चासो बढेको छ । तर प्रधानमन्त्री निकट संयन्त्र भने उनको स्वास्थ्य प्रतिवेदन सार्वजनिक नगर्ने मनस्थितिमा रहेको प्रतीत हुन्छ ।

प्रधानमन्त्री भनेको मुलुककै नेता हो , उनको हरेक अवस्था र गतिविधिबारे देश र जनताले जानकारी पाउनु पर्छ – राजनीतिक विश्लेषक पुरञ्जन आचार्यले भने । प्रधानमन्त्री सिंगापुरबाट फर्कने वित्तिकै स्वास्थ रिपोर्ट सार्वजनिक गरिसक्नु पर्ने हो , तर गरिएन , त्यसैले जनमानसमा विभिन्न खाले आशंका बढेको हो । यद्यपि प्रधानमन्त्री ओलीले त्रिभुवन अन्तर्राष्ट्रिय विमानस्थलमा पत्रकारहरुसँगको छोटो टिप्पणीमा भनेका थिए – मेरो स्वास्थ एकदमै राम्रो छ ।

ओली पूर्ण स्वस्थ हुनुहन्न । ओली पक्षधर भने स्वास्थ ठीक छ भनेर दुनियाँलाई देखाउनकै लागि भएपनि आजको मिटिङ तय गरेको अड्कल उनले गरेका छन् । ओलीलाई जवर्जस्ती मिटिङमा राखियो भने पुनः बिराम बल्झन सक्छ ।

स्वदेश फर्केपछि उनी दुई दिन राजनीतिक भेटघाटमा व्यस्त रहे । हिजो बिहिबार अपरान्ह् सचिवाल वैठक राखियो । तर अकस्मात ओलीको स्वास्थ बिग्रिएको खबर आयो ।  त्यसपछि सचिवालय बैठक आज शुक्रबारका लागि सारिएको जानकारी दिइयो । लगत्तै राजनीति वृत्तमा अनेक खाले अड्कलबाजी चल्यो । हिजै साँझ ओलीलाई पुनः सिंगापुर लैजाने तयारी भएको हल्ला आयो ।

त्यसको खण्डन गर्न ओलीका राजनीतिक सल्लाहकार विष्णु रिमालले ट्वीट गरे । सामान्य ज्वरो आएकाले आराम गर्नु भएको हो , भोलिबाट प्रधानमन्त्री पूर्ववत काममा सक्रिय हुनुहुने छ – रिमालले ट्वीटमा भनेका छन् । आज बिहानैबाट प्रधानमन्त्री ओली राजनीतिक भेटघाटमा सक्रिय देखिएका छन् । तर उनको अनुहार भने गलेको देखिन्छ ।

आज बिहान उनीसँग भेट्न पुगेका एकजना झापाली कार्यकर्ताले भने – प्रधानमन्त्रीसँग भेट गर्दा खासै रुचि दिनु भएन । उहाँको ध्यान अन्यत्रै बढी केन्द्रित भएजस्तो लाग्थ्यो । उनका अनुसार , ओली पूर्ण स्वस्थ हुनुहन्न । ओली पक्षधर भने स्वास्थ ठीक छ भनेर दुनियाँलाई देखाउनकै लागि भएपनि आजको मिटिङ तय गरेको अड्कल उनले गरेका छन् । ओलीलाई जवर्जस्ती मिटिङमा राखियो भने पुनः बिराम बल्झन सक्छ ।  त्यतातिर भने ओलीको सचिवालयले ध्यान नदिएको जस्तो देखिएको छ ।

स्वदेश फर्केको यत्तिका दिन बितिसक्दासमेत रिपोर्ट सार्वजनिक नगर्दा यस्ता अड्कालबाजी स्वभाविक हुने – राजनीतिक विश्लेषक आचार्यको भनाई छ । ओलीको सक्रियता र धपेडीले भोलि पुन : थला पा¥यो भने के भन्ने ? राजनीतिक विश्लेषक आचार्यले प्रश्न गरे ।

राजनीतिक विश्लेषक आचार्य भन्छन् – ओलीको स्वास्थ गतिलो नभएरै रिपोर्ट सार्वजनिक गर्न आनाकानी गरिएको हुनसक्छ । जस्तोसुकै अवस्था भएपनि रिपोर्ट सार्वजनिक गर्नुपर्छ , त्यसले पारिदर्शिता र जवाफदेहिताप्रतिको सरकारी प्रतिबद्धता झल्काउने हो ।

आखिर किन रिपोर्ट सार्वजनिक नगरिएको हो ? यो प्रश्नको जवाफ दिंदै ओलीका प्रेस सल्लाहकार कुन्दन अर्यालले भने – उपयुक्त समयमा रिपोर्ट सार्वजनिक हुने छ । अर्यालका अनुसार , अझै केही रिपोर्ट आउन बाँकी भएकाले सार्वजनिक गर्न ढिला गरिएको हो । आजभोलि रिपोर्ट आएपछि सार्वजनिक गर्ने तयारी भइरहेको छ – उनले भने । प्रधानमन्त्रीको स्वास्थ स्थितिबारे समयमै रिपोर्ट जारी नहुँदा विभिन्न अड्कलबाजी गरिएको हुन सक्छ – अर्याल भन्छन तत्काल रिपोर्ट सार्वजनिक गर्ने संयन्त्र बनाउनु आवश्यक रहेको महसुस गरिएको छ ।

राजनीतिक विश्लेषक आचार्य भन्छन् – ओलीको स्वास्थ गतिलो नभएरै रिपोर्ट सार्वजनिक गर्न आनाकानी गरिएको हुनसक्छ । जस्तोसुकै अवस्था भएपनि रिपोर्ट सार्वजनिक गर्नुपर्छ , त्यसले पारिदर्शिता र जवाफदेहिताप्रतिको सरकारी प्रतिबद्धता झल्काउने हो । विदेशमा सरकार प्रमुखको स्वास्थ अवस्थाबारे सबै कुरा पारदर्शी रुपमा सार्वजनिक गर्ने चलन छ । नेपालमा पनि यस्तो खाले परम्परा बसाल्नु पर्छ – उनले भने ।

१३ वर्ष अघि ओलीको मृगौला प्रत्यारोपण गरिएको थियो । त्यसयता ओलीको स्वास्थ कमजोर रहेको छ । बेला बेला उनी स्वास्थ परीक्षणका लागि विदेश जाने गरेका छन् । प्रधानमन्त्रीका निजी चिकित्सकको टोलीले यसबारे रिपोर्ट सार्वजनिक गर्नु पर्ने हो । तर ओलीकै चाहानामा हुन सक्छ रिपोर्ट सार्वजनिक गरिएको छैन । प्रेस सल्लाहकार अर्यालले भनेजस्तो सबै रिपोर्ट आउन बाँकी हो भने चिकित्सक टोलीले स्पष्ट गर्नुपर्ने हो । तर त्यस्तो केही भएको छैन ।

नेकपाको एकता प्रक्रियामा धपेडी बढेकाले उनी बिरामी भएको बताइएको छ । हिजो आराम गर्नु भएकाले आज बिहानबाटै काममा फर्कनु भएको छ, प्रेस सल्लाहकार अर्यालले भने – अब कुनै समस्या छैन ।

जेसुकै भएपनि प्रधानमन्त्रीको हरेक गतिविधि मुलुकका लागि चासोको विषय हो – राजनीतिक विश्लेषक आचार्य भन्छन् १० दिनभन्दा बढी विदेशमा उपचार गराएर आएको प्रधानमन्त्रीको स्वास्थबारे जनता जान्न चाहन्छन् । त्यो जिम्मेवारी राज्यको हो – उनी भन्छन् ।