पत्रकार डाइल्सनको जीप दुर्घटनामा मृत्यु, अन्य चार घाइते

धीरेन्द्रप्रसाद साह

१ भाद्र,जविराज । सप्तरीको कञ्चनरुप नगरपालिका ११ बक्साहामा शनिबार जीप दुर्घटनामा परी रेडियो नेपालमा कार्यरत एक जना पत्रकारको मृत्यु भएको छ भने सोही जीपमा सवार अन्य चार जना गम्भीर घाइते भएका छन ।

पूर्वपश्चिम लोकराजमार्ग अन्तर्गत सो सडक खण्डमा जीप दुर्घटना परी रुपन्देही तिरहोतामा नगरपालिका १ बस्ने वर्ष ४० को डाइल्सन अधिकारीको मृत्यु भएको प्रहरीले जनाएको छ ।

टाउँकोमा गम्भीर चोट लागेर घाइते अधिकारीलाई राजविराज स्थित गजेन्द्रनारायण सिंह अस्पताल लैजादै गर्दा बाटोमा मृत्यु भएको थियो । मृतकको शवलाई पोष्टमार्टमका लागि अस्पतालको शवगृहमा राखिएको छ । मृतक अधिकारी रेडियो नेपालका स्थानीय संवाददाता रहेको बताइएको छ ।

अधिकारी सवार बा. १६ च २२३५ नम्बर पिकअप बोलेरो जीप बिहान १०ः४५ बजेको समयमा दुर्घटना भएको हो । पश्चिमबाट पूर्वतर्फ जादै गरेको अवस्थामा ओभरटेक गर्ने क्रममा आफै अनियन्त्रित भएर त्यहाँ पार्किङ गरी राखिएको स. ११ प ४६२९ नम्बरको स्कुटीमा ठक्कर दिदै पल्टिदा दुर्घटना भएको थियो । पत्रकार अधिकारी सहितको टोली लगानी सम्मेलनमा सहभागी हुन बिराटनगरतर्फ जाँदै गरेको थियो ।

दुर्घटनामा परी सो जीपमा सवार रुपन्देहीको तिरहोतमा नगरपालिका १ बस्ने सो वडाको अध्यक्ष वर्ष ४६ को तामानाथ पाण्डे, वडा १४ का अध्यक्ष वर्ष ४६ को सोहन थारु, रुपन्देही उद्योग बाणिज्य संघका अध्यक्ष वर्ष ५२ को झबिन्द्रप्रसाद कँडेल र सियारिस गाउँपालिका ५ बस्ने चालक वर्ष ३६ को अशोक भण्डारी घाइते भएका छन ।

घाइतेहरुलाई हात्तखुट्टा, अनुहार र टाउँकोमा चोट लागेको छ । उनीहरुको तत्काल स्थानीय धर्मेश्वर अस्पताल ठेलियामा सामान्य उपचार पश्चात थप उपचारको लागी नोवेल अस्पताल बिराटनगर रेफर गरी पठाइएको बताइएको छ । घाइतेहरुको अवस्थामा सामान्य रहेको प्रहरीले बताइएको छ ।