विवादमा तानिए पारस शाह [कारण यस्तो छ]

२ भाद्र, काठमाडौं । विभिन्न कारणले पटकपटक चर्चामा आइरहने पूर्वयुवराज पारस शाह फेरि एक पटक विवादमा तानिएका छन्।

आइतवार सामाजिक सञ्जाल र वेबसाइटहरूमा उनीसँग सम्बन्धित एउटा भिडिओ प्रकाशित भएपछि उनी विवादमा परेका हुन्। सामाजिक सञ्जालमा भाइरल बनेको उक्त भिडिओमा पूर्वयुवराज पारसले त्रिभुवन अन्तर्राष्ट्रिय विमानस्थलबाहिर एक प्रहरीलाई धकेलेको देखाइएको छ।

भाइरल बनेको भिडिओमा पारस आफ्नी आमा पूर्वमहारानी कोमललाई बिदाइ गर्न विमानस्थल गएको उल्लेख गरिएको छ। उनीसँगै उनका छोरा र भान्जा पनि विमानस्थल पुगेका र त्यस क्रममा उनीहरूमाथि प्रहरीले ‘दुर्व्यवहारु गरेपछि पारसले प्रहरीलाई धकेलेको भन्ने खालका विवरणसहित समाचार प्रकाशित भएको छ।

उक्त भिडिओमा ‘राजतन्त्र जिन्दावादु,हाम्रो राजा हाम्रो देश, प्राणभन्दा प्यारो छ’ जस्ता नाराहरू पनि लगाएका थिए ।