३ भदौ, चितवन । पत्रकार शालिकराम पुडासैनी मृत्यु प्रकरणमा नियन्त्रणमा लिइएका टेलिभिजन कार्यक्रम प्रस्तोता रवि लामिछानेसहित ३ जनालाई पुनः अदालत पेश गरिएको छ ।

आत्यहत्या दुरुत्साहनसम्बन्धी कसुरमा अनुसन्धान गर्न थपिएको ५ दिनको म्याद सकिएपछि उनीहरुलाई मंगलबार पुनः जिल्ला अदालत चितवनमा पेश गरिएको हो । जिल्ला प्रहरी कार्यालय चितवन स्रोतका अनुसार उनीहरुमाथि थप अनुसन्धान गर्नका लागि पुनः ५ दिनकाे म्याद थप माग गर्न अदालत पेश गरिएको हो ।

गत बिहीबार काठमाडौंस्थित न्यूज २४ टेलिभिजनको कार्यालयबाट पक्राउ परेका लामिछाने र युवराज कँडेल तथा काठमाडौंको कलंकीबाट पक्राउ परेकी रुकु भनिने अस्मिता कार्कीलाई शुक्रबार चितवन जिल्ला अदालतमा पेश गरिएको थियो ।

चितवन जिल्ला अदालतका न्यायाधीश विनोद कुमार गौतमको इजलाशले लामिछानेसहित ३ जनाविरुद्ध अनुसन्धान गर्न ५ दिनको म्याद दिएकाे थियो ।

यो पनि पढ्नुस:

पुडासैनी हत्या प्रकरण : पत्रकार रवि लामिछानेसहित तीन जना पक्राउ

रवि लामिछाने हाईहाई भन्दै रिहाइको माग

रवि लामिछानेको रिहाईको माग राख्दै भोलि काठमाडौं र चितवन बन्दको घोषणा, पक्राउको शैली र दुव्र्यवहारप्रति महासंघको पनि आपत्ति

पुडासैनीको आत्महत्या प्रकरण : कुन्दन काफ्लेले भेटे लामिछानेलाई

रविविरुद्ध शालिकरामकी श्रीमतीले दिइन किटानी जाहेरी