परिवर्तन गाउँपालिकाकाे कार्यालयमा बम विष्फोट

९ भदौ, रोल्पा । रोल्पाको एक वडा कार्यालयमा अज्ञात समूहले बम विष्फोट गराएको छ । सोमबार राति परिवर्तन गाउँपालिका वडा नम्बर दुईको वडा भवनमा अज्ञात समूहले बम विष्फोट गराएको हो ।

बम विष्फोट हुँदा भवनमा क्षती पुगेको छ । विष्फोटपछि डिजेल प्रयोग गरेर भवनमा आगो लगाइएको प्रहरीले जानकारी दिएको छ । राती नै आगो स्थानीयले नियन्त्रणमा लिएका छन् ।

वडा अध्यक्ष हरिबहादुर घर्ती मगरले विज्ञप्ती जारी वडा कार्यालयलाई निशाना बनाइएको भन्दै दुःख व्यक्त गरेका छन् । पछिल्लो समय चन्द नेकपाले चन्दा माग्न र धम्काउन थालेपछि जनप्रतिनिधिहरुले सरकारसँग सुरक्षाको माग गर्दै आएका छन् ।