अफगानिस्तानमा ३७ तालिवान लडाकू मारिए

१० भदौ,एजेन्सी । अफगानिस्तानमा भएको पछिल्लो सुरक्षा कारवाहीमा परी कम्तीमा ३७ तालिवान लडाकू मारिएका छन् ।

देशको उत्तरी क्षेत्रमा पर्ने बाल्ख प्रान्तमा पछिल्लो २४ घण्टामा भएका घटनामा उनीहरू मारिएको अधिकारीहरूले सोमबार जनाएका छन् ।

सेनाका क्षेत्रीय प्रवक्ता मोहम्मद हानिफ रेजाइले सुरक्षाकर्मीहरूको तर्फबाट हवाई तथा स्थलगत कारवाही अभियान चलाइएको थियो ।

चारबोलाक र शोल्गारा जिल्लामा आइतबारदेखि भएको आक्रमणमा परी अरु केही लडाकू घाइते पनि भएको जनाइएको छ ।