रवि लामिछाने धरौटीमा रिहा भएलगतै अविर यात्रा

काठमाडौं । टेलिभिजन कार्यक्रम प्रस्तोता रवि लामिछाने धरौटीमा रिहा भएलगतै काठमाडौंको बानेश्वरम अविर यात्रा गरिएको छ । पत्रकार शालिकराम पुडासैनी आत्महत्या प्रकरणमा पक्राउ परेका रवि १० दिनको हिरासत बासपछि सोमबार साँझ अदालतको आदेशबाट रिहा भएका छन् ।

चितवन अदालतबाट ५ लाख धरौटीमा रिहा भएलगतै काठमाडौको बानेश्वरमा केही युवाले अविर यात्रा गरेका छन् । अति ब्यस्त सडक भएका बेला केही ब्यक्तिहरु सडकमा आएका थिए ।

सडकमा आएका रविका समर्थकहरुले अविर जात्रा गरेका छन् । अदालतले रविलाई पाँच लाख, युवराज कँडेललाई ३ लाख र नर्स अस्मिता कार्कीलाई साधरण तारेखमा रिहा गरेको छ । अदालतले धरौटी मागेलगतै उनीहरुको धरौटी बुझाइएको थियो । तीनै जनाविरुद्ध आइतबार आत्महत्या दुरुत्साहन गरेको कसूरमा जिल्ला सरकारी वकिल कार्यालय, चितवनले मुद्दा दायर गरेको थियो ।

यसैबिच, रवि लामिछानेले आज चितवन वासी लगायत सम्पूर्ण समर्थनहरुलाई धन्यवाद दिन भेट्ने भएका छन् । हिजो साँझ बाहिर आएपछि भेट्ने कार्यक्रम भएपनि साँझ परिसकेकाले आज मंगलबार समर्थनलाई भेट्ने कार्यक्रम रहेको श्रमिति निकिता पोडेल लामिछानेको सामाजिक सञ्जाल फेसबुक मार्फत प्रत्यक्ष बोल्दै बताएका छन् । उनले सोही प्रत्यक्ष रुपमा बोल्दै समर्थनहरु सबैलाई धन्यवाद पनि दिएका छन् ।