उर्लावारी र ईनरुवामा गरिमा बैंकले खोल्यो नयाँ शाखा

१३ भदौ, काठमाडौं । गरिमा विकास बैंक लिमिटेडले मिति २०७६ भाद्र १२ गते विहिवार मोरङ न.पा. वडा नं.७ इटहरा रोड स्थित उर्लावारी शाखा कार्यालय तथा एटीएमसमेतको औपचारिक उद्घाटन कार्य सम्पन्न गरेको छ । उक्त शाखा कार्यालयको उद्घाटन मोरङ नगरपालिका प्रमुख खड्गबहादुर फागो र ईनरुवा न.पा. वडा नं.१ भगवतीमन्दिर रोड स्थित ईनरुवा शाखा कार्यालय तथा एटीएमको ईनरुवा नगरपालिका प्रमुख राजन मेहताबाट ताम्रपत्र अनावरण गरि क्रमश दूई शाखा कार्यालयहरुको समुद्घाटन भएको छ ।

कार्यक्रममा बोल्दै विकास बैंकका अध्यक्ष चन्द्रकान्त बरालले संस्था सक्षम र अब्बल बन्नको लागि उत्कृष्ट सेवा प्रवाह संगसंगै संस्थागत सुशासन समेत महत्वपूर्ण रहने हुंदा विकास बैंकले महत्व दिईरहेको बताए । त्यसैगरी विकास बैंकका प्रमुख कार्यकारी अधिकृत गोविन्दप्रसाद ढकालले विकास बैंकले ग्राहकहरुको चाहना र आवश्यकतामा भएको परिवर्तन संगसंगै आफ्नो सेवा, सुविधा र प्रविधिलाई समयानुसार परिमार्जन गर्दै उत्कृष्ट वित्तीय सेवा प्रवाहमा सदैव प्रतिबद्ध रहेकोे जानकारी दिए ।

कार्यक्रममा मोरङ उघोग वाणिज्य संघका अध्यक्ष पितम खड्गीले शुभकामना मन्तव्य व्यक्त गरेका थिए । बैंकका सञ्चालक डा. आनन्दप्रसाद श्रेष्ठले धन्यवाद ज्ञापन गरेका थिए भने वैंकका प्रमुख कार्यकारी अधिकृत गोविन्दप्रसाद ढकालले स्वागत मन्तव्य व्यक्त गरेका थिए । विकास वैंकका अध्यक्ष चन्द्रकान्त वरालले कार्यक्रमको समापन गरेका थिए ।

त्यस्तै गरि ईनरुवा न.पा. वडा नं.१ भगवतीमन्दिर रोड स्थित ईनरुवा शाखा कार्यालय तथा एटीएमको उद्घाटन कार्यक्रममा ईनरुवा नगरपालिका वडा नं. १ का वडाअध्यक्ष रामचन्द्र गोदारले शुभकामना मन्तव्य व्यक्त गरेका थिए । बैंकका सञ्चालक डा. आनन्द प्रसाद श्रेष्ठले धन्यवाद ज्ञापन गरेका थिए भने वैंकका प्रमुख कार्यकारी अधिकृत गोविन्द प्रसाद ढकालले स्वागत मन्तव्य व्यक्त गरेका थिए । उघोग वाणिज्य संघ ईनरुवा नगरपालिकाका सहसचिव रोशन खड्काले समसामयिक विषयमा प्रकाश पारेका थिए । विकास वैंकका अध्यक्ष चन्द्रकान्त वरालले कार्यक्रमको समापन गरेका थिए । उक्त दुवै कार्यक्रमको संचालन विकास वैंकका नायव महाप्रवन्धक माधव प्रसाद उपाध्यायले गरेका थिए ।

काठमान्डौंको लाजिम्पाटमा केन्द्रीय कार्यालय रहेको यस विकास बैंकको हाल काठमान्डौं उपत्यकाभित्र ८ वटा शाखाहरु सहित देशभर ८० शाखाहरु र ३५ वटा एटीएमहरु संचालनमा छन् । विकास बैंकले निकट भविष्यमा नै देशका विभिन्न १५ स्थानमा शाखा कार्यालय स्थापना गर्दैछ । विकास बैंकले २०७६ भाद्र १२ गतेसम्ममा रु.३४ अर्ब निक्षेप संकलन गरी रु.२९ अर्ब कर्जा लगानी गरेको बजारिकरण/अनुशन्धान तथा अशुली विभाग प्रमुख भक्त वहादुर के.सी.ले जानकारी दिए ।