निकम्मा सरकार र निस्कृय कांग्रेस

१५ भदौ,काठमाडौं । करिब दुई वर्ष अघि नेपाली जनताको रोजाईमा परेको नेपाल कम्युनिष्ट पार्टी अहिले सबैभन्दा मन नपर्नेमा दरिएको छ । जनजीविकाको सवालमा कम्युनिष्ट सरकार निकम्मा र कमजोर भएको भन्दै आम नागरिकको आक्रोश र निराशा चुलिएको छ ।

दुई तिहाई समर्थन प्राप्त सरकार इतिहासमै बेकामे साबित भएपनि त्यसको राजनीतिक लाभ प्रमुख प्रतिपक्षी नेपाली कांग्रेसले उठाउन भने सकेको छैन । खड्गप्रसाद ओली नेतृत्वमा बनेको शक्तिशाली भनिएको सरकार जनहित भन्दा भ्रष्ट र तस्करमैत्री हुन थालेपछि जनमानसको तहबाटै उपेक्षित भएको हो । सरकारले हालसम्म गरेका कुनै निर्णय वा कार्यले जनतामा सकारात्मक प्रभाव दिन सकेको छैन । बरु सरकारका हरेक काम र निर्णयले जनतामा निराशा र आतंक फैलाएको छ ।

दुई नेताहरु सार्वजनिक रुपमै गाली गलौजमा उत्रिएको अवस्था छ । यसले बाहिर नदेखिएपनि भित्र भित्रै नेकपा चिरा चिरा परिसकेको छ । यति मात्रै होइन, पार्टी भित्रको आन्तरिक समीकरण पनि फेरिएको छ । एक महिनाअघिसम्म ओलीलाई सत्तोसराप गर्ने बामदेव गौतम फेरि पुरानो कित्तामा फर्किएका छन् ।

यस्तो उर्वर अवस्थामा पनि प्रतिपक्षी कांग्रेस भने जनताको भावना बमोजिम आफूलाई उभ्याउन चुकिरहेको छ । जारी केन्द्रीय कार्यसमिति वैठकमा कांग्रेसका नेताहरु आपसी बैमनस्यता र कुण्ठा बिसाउने काम मात्र भइरहेको छ । सरकारको अलोकप्रियता मापन गर्ने राम्रो अवसर मुखैमा आईसकेको छ । आगामी मंसिरमा हुने संसदीय, प्रदेश र स्थानीय निकायको उपनिर्वाचन मिति निर्वाचन आयोगले सार्वजनिक गरिसकेको छ ।

बुद्धि पु¥याउने हो भने अबको निर्वाचनमा कांग्रेसले राम्रो सफलता प्राप्त गर्ने अवस्था छ । तर त्यसका लागि पार्टी भित्रको एकता र मेलमिलाप जनस्तरमै विश्वासका साथ झल्कनु आवश्यक छ । साँच्चै भन्ने हो भने यतिबेला सत्तारुढ नेकपा भित्रको द्वन्द्व र मारामार कांग्रेसका लागि उर्जा थप्ने बेला हो । प्रधानमन्त्री ओली र अर्का नेता माधवकुमार नेपालबीचको बैमनस्यता र झगडाले कांग्रेसलाई राम्रै लाभ प्राप्त हुन सक्छ ।

दुई नेताहरु सार्वजनिक रुपमै गाली गलौजमा उत्रिएको अवस्था छ । यसले बाहिर नदेखिएपनि भित्र भित्रै नेकपा चिरा चिरा परिसकेको छ । यति मात्रै होइन, पार्टी भित्रको आन्तरिक समीकरण पनि फेरिएको छ । एक महिनाअघिसम्म ओलीलाई सत्तोसराप गर्ने बामदेव गौतम फेरि पुरानो कित्तामा फर्किएका छन् । जसले गर्दा माधव नेपाल पक्ष उनीसँग चिढिएको अवस्था छ ।

बामदेव भनेका सत्तालिप्सामा मात्रै विश्वास गर्ने स्वभावका नेता हुन् । उनको सत्तालिप्साले अहिले ओलीसँग पुनः मिलन गराई दिएको छ । त्यही सत्तालिप्सा कांग्रेसका लागि भने अवसर हुनसक्छ । संभवतः आगामी संसदीय उप निर्वाचनमा बामदेव कास्कीबाट उमेदवार बन्नेछन् । कित्ता परिवर्तन गरी एकाएक ओली खेमामा पुगेका बामदेव कास्कीबाट चुनाव लडे भने सिंगो पार्टी पंक्तिबाट सहयोग नहुने अवस्था छ ।

कास्कीमा मात्र होइन , अन्यत्र हुने सबै तहका निर्वाचनमा कांग्रेसले सफलता पाउने अवस्था छ । नेकपाप्रति जनताको भरोसा र विश्वास खुम्चिएको बेला हुने निर्वाचन जसरी पनि जित्ने रणनीति कांग्रेसले बनाउनु आवश्यक छ । तर लाग्दैन , कांग्रेस त्यति धेरै सुध्रिसकेको छ । अहिले पनि पार्टी भित्र र बाहिर एकआपसमा बेमेलको अवस्था कायमै छ

माधव नेपाल पक्षले गौतमलाई सहयोग गर्ने अवस्था देखिंदैन । बाहिर केही नभने पनि आन्तरिक रुपमा भने स्थानीय नेताले टिकट नपाउँदा कार्यकर्ता पंक्ति निस्कृय बस्ने वातावरण बनेको छ । अर्कातिर ओली स्वयं पनि गौतमलाई संसद् छिराएर अर्काे जोखिम मोल्न तयार छैनन् । संसद्मा बामदेवको आगमन भनेको कुनै पनि बेला प्रधानमन्त्री पद धरापमा पर्नु हो भन्ने ओलीले राम्रो बुझेका छन् ।

त्यसैले अहिले हौसिएका बामदेवको भौतिक कद अग्लो छ ।  तर उनको राजनीतिक कद भने बाम पुड्के बनाउने स्थितिमा ओली पनि छिर्के हान्न पछि पर्नेवाला छैनन् । यसबाट कांग्रेसले सबैभन्दा बढी लाभ उठाउने वातावरण छ । तर कांग्रेस आफैं चाहिं अब सुध्रिनै पर्ने हुन्छ ।

कास्कीमा मात्र होइन , अन्यत्र हुने सबै तहका निर्वाचनमा कांग्रेसले सफलता पाउने अवस्था छ । नेकपाप्रति जनताको भरोसा र विश्वास खुम्चिएको बेला हुने निर्वाचन जसरी पनि जित्ने रणनीति कांग्रेसले बनाउनु आवश्यक छ । तर लाग्दैन , कांग्रेस त्यति धेरै सुध्रिसकेको छ । अहिले पनि पार्टी भित्र र बाहिर एकआपसमा बेमेलको अवस्था कायमै छ ।

संगठन बलियो बनाउने भन्दा गुटको पक्ष पोषण नै नेताहरुको प्राथमिकतामा परेको छ । सभापति शेरबहादुर देउवा आफ्ना हनुमान बाहेक कसैलाई कुनै मौका दिने पक्षमा अझै छैनन् । त्यस्तै आफ्ना पक्षले अवसर नपाए सिंगो पार्टीले सहयोग गर्नुपर्छ भन्ने भावना र सोच रामचन्द्र पौडेल र कृष्णप्रसाद सिटौलामा पलाईसकेको देखिंदैन ।

देउवा पार्टी सभापतिमा निर्वाचित भएपछि कांग्रेस हरेक मोर्चामा अधोगतिमा लागेको छ । पुरानो अवस्थाको कांग्रेस बनाउने हो भने स्वयं देउवाबाटै यसको पहल हुनु आवश्यक छ । त्यो पनि यही बिन्दूबाट । अर्थात, आसन्न उप निर्वाचनमा गुटको भन्दा कांग्रेसको उमेदवारलाई टिकट दिएर ।