बुद्ध एयरले नेपालगंज काठमाडौं उडान थप्दै

१६ भदौ, काठमाडौं । बुद्ध एयरले नेपालगञ्ज–काठमाडौं रुटमा उडान तालिका थप्ने योजना बनाएको छ । अहिले यो रुटमा दैनिक तीन उडान गरिरहेको बुद्वले केही समयमा नै दैनिक चार उडान गर्नेगरी योजना बनाएको हो ।

बुद्ध एयर नेपालगञ्जका प्रमुख बिनित विक्रम शाहका अनुसार आगामी सेप्टेम्बर १५ तारिखबाट नयाँ उडान थप्ने योजना रहेको छ ।

यात्रुको चापलाई मध्यनजर गर्दै कम्पनीले उडान थप्न लागेको उनले बताए । त्यसको लागि तयारी सुरु भइसकेको जनाउँदै उनले सम्भवत सेप्टेम्बर १५ बाट उडान सुरु हुने जानकारी दिए ।

केही महिनाअघिसम्म दैनिक दुई उडान भरिरहेको बुद्वले केही समयअघि मात्र दैनिक तीन उडान गर्न सुरु गरेको थियो ।

एटीआर ७२ जहाजमार्फत उडान गरिरहेको कम्पनीले नेपालगञ्ज पोखरा र नेपालगञ्ज नयाँदिल्ली रुटमा समेत उडान भर्ने तयारी थालेको छ ।