देशका अधिकांश स्थानमा पूर्ण बदली !

१७ भदौ, काटठमाडौं । देशभरको मौसम सामान्यदेखि पूर्ण बदली भएको जल तथा मौसम पूर्वामानुमान महाशाखाले जनाएको छ । हाल पूर्व र मध्यका केही तथा पश्चिमका थोरै स्थानहरुमा हल्कादेखि मध्यम वर्षा भइरहेको छ ।

मंगलबार दिनभर सामान्य बदली रही केही स्थानहरुमा मेघ गर्जन तथा चट्याङ्गसहित हल्कादेखि मध्यम वर्षा हुने मौसमविदले बताएको छ । पूर्व र मध्य पहाडी भेगका एक वा दुई स्थानमा भारी वर्षा हुने सम्भावना रहेको छ ।

यस्तै राति पनि देशका अधिकांश स्थानमा सामान्यदेखि पूर्ण बदली रही केही स्थानमा मेघ गर्जन तथा चट्याङ्गसहित हल्कादेखि मध्यम वर्षा हुने मौसमविदले बताएका छन् । पश्चिम र मध्यका एक वा दुई स्थानमा भारी वर्षाको सम्भावना छ ।