महाकाली नदि किनारमा श्रद्धालु महिलाहरुको भीड

१७ भदौ, कञ्चनपुर । महाकाली नदीमा स्नान गर्न कञ्चनपुरसँगै कैलालीबाट महिलाहरु आउने गरेपछि नदि किनारमा महिलाहरूकाे भिड लागेकाे छ ।

टाढा टाढाबाट महिलाहरु ट्रयाक्टर तथा अन्य सवारी साधनमा गीत बजाउँदै नाच्दै नदी किनारमा बेला भएपछि अहिले महाकाली नदिमा भिडभाड भइरहेकाे छ । सबै ठाउँबाट दिदिबहिनी एकै ठाउँमा भेला भएपछि तीज गीत र नृत्यले महाकाली किनारमै बेग्लै रौनकता आएको छ ।

ऋषिपञ्चमीको स्नानका लागि बनबसा पुलसम्मै सवारी साधन सञ्चालन गरिएका छन् । गड्डाचौकीदेखि महाकाली किनारसम्म श्रद्धालु महिलाहरुको भीडले आउजाउ गर्नसमेत समस्या भइरहेको छ ।