ओलीलाई भेट्न पौडेल सिंगापुर प्रस्थान, बामदेव जाने कुरा हल्ला मात्र !

१७ भदौं, काठमाडौं । प्रधानमन्त्री केपी शर्मा ओलीलाई भेट्न सत्तारुढ नेकपाका महासचिव विष्णु पौडेल सिंगापुर प्रस्थान गरेका छन् ।

नेकपा उपाध्यक्ष बामदेव गौतम पनि जाने भनिएकोमा पौडेलमात्र सिंगापुर गएका हुन् । सिंगापुर उड्नुअघि पौडेलले आफू प्रधानमन्त्रीको स्वास्थ्य अवस्थाबारे बुझ्न जान लागेको र सँगै फर्किने तय भएको बताए ।

उनले प्रधानमन्त्री स्वस्थ रहेको र नेतृत्वसँग नियमित सम्पर्कमा रहेको समेत जानकारी दिए । प्रधानमन्त्रीको छैटौं चरणको प्लाज्मा फेरेसिस प्रक्रियाबाट उपचार प्रक्रिया सोमबार भएको थियो ।

यसअघि नेकपा सचिवालयका अनुसार बामदेव गौतम पनि सँगै जाने चर्चा चलेको थियो । यस बिषयमा गौतमको सचिवालयले उनी सिंगापुर जाने कुनै कार्यक्रम नरहेको पुष्टि गरेको छ । सचिवालय भन्छ, वामदेव जाने कुरा हल्ला मात्र हाे ।

बुधवार अन्तिम चरणको उपचार प्रक्रिया सकिएपछि भदौ २० गते स्वदेश फर्किने बताइएको छ ।

याे पनि :

गौतम र पौडेल प्रधानमन्त्री ओलीलाई भेट्न सिंगापुर जाने