१७ भदौ, काठमाडौं । सिंगापुरमा उपचार गराइरहेका प्रधानमन्त्री केपी शर्मा ओली र मन्त्रीहरुबीच दोस्रो पटक भिडियो कन्फरेन्समार्फत छलफल भएको छ ।

कुनै एजेण्डामा निर्णय नभए पनि आ-आफ्नो मन्त्रालयमा भएका काम कारवाहीबारे प्रधानमन्त्रीलाई भिडियो कन्फरेन्समार्फत जानकारी गराइएको हो ।

मन्त्रालयका समस्याहरु र मन्त्रिपरिषद बैठक नबस्दा रोकिएका कामबारे समेत प्रधानमन्त्रीले चासो राखेका छन् । यसअघि प्रधानमन्त्रीले संसदीय काम कारवाहीका बारेमा संसदीय दलका कार्यवाहक नेता सुवास नेम्वाङसँग टेलिफोन मार्फत छलफल गरेका थिए ।

भिडियोमा मन्त्रिपरिषद बैठकमाथि केही दिन प्रश्न उठेपछि यसको चारैतिर निकै चर्चा भएको हो । मिर्गौलाको उपचार गर्न सिंगापुर गएका प्रधानमन्त्री ओलीले पहिलो पटक ९ भदौमा मन्त्रिपरिषदका सदस्यहरुसँग भिडियो कन्फरेन्स गरेका थिए ।

सो भिडियो कन्फरेन्सलाई स्वयं प्रधानमन्त्री ओली र उनका राजनीतिक सल्लाहकार विष्णु रिमालले ‘मन्त्रिपरिषद बैठक’ भनेपछि वैधानिकतामा प्रश्नमात्र होइन संसदमा समेत सरकारको कडा रुपमा आलोचना भएको थियो ।

याे पनि :

भिडियो कन्फरेन्सले निम्त्याएको प्रश्न

भिडियो कन्फ्रेन्स विवादमा : प्रतिपक्ष आक्रोशमा, सत्तापक्षको जवाफमा के छ ?

मन्त्री ज्यू ! अब कहिलेसम्म झुट्टा कुरा गरिरहने ?

ओलीलाई भेट्न पौडेल सिंगापुर प्रस्थान, बामदेव जाने कुरा हल्ला मात्र !