किशोर सिंह भन्छन, नेबिसंघबाट रिटायर्ड भएकाहरुलाई तरुण दलको सदस्य लिन रोक्नु गलत हो !

१८ भदौ, काठमाडौं । नेपाली कांग्रेसको जारी केन्द्रिय कार्य समितिको बैठकमा नेपाली कांग्रेसका केन्द्रिय सदस्य किशोर सिंह राठौरले नेपाल विद्यार्थी संघबाट रिटायर्ड भएकाहरु प्रवेश गर्ने भनेर नेपाल तरुण दल बनाएको बताएका छन।

मंगलबार कांग्रेस केन्द्रिय कार्यलय सानेपामा जारी बैठकमा राठौरले नेपाल तरुण दलको सदस्यता नेपाल विद्यार्थी संघबाट रिटायर्ड भएकाहरुले लिन खोज्दा नपाएको भन्दै त्यतातिर पार्टीको ध्यान जानुपर्ने जिकिर गरेका छन।

राठौरले नेपाल विद्यार्थी संघबाट रिटायर भएकाहरुले पार्टीको महाधिवेशन प्रतिनिधि हुन पाउने, पार्टिको महासमिति सदस्य हुन पाउने,पार्टीको केन्द्रिय सदस्य हुन पाउने तर तरुण दलको सदस्य हुन नपाउने भनेर प्रश्न गर्दै उनले यस्तो संस्था बनाएर पार्टी नबन्ने भन्दै यतातिर गम्भीर हुन सबैलाई आग्रह गरे।