कांग्रेसमा भाग शान्ति र जय नेपाल प्रवृत्ति हावी

१८ भदौ,काठमाडौं । प्रमुख प्रतिपक्षी दल नेपाली कांग्रेसको हिजो मात्रै सम्पन्न केन्द्रीय कार्यसमिति बैठकले पार्टीको आन्तरिक विषयमा सहमतिका साथ अघि बढ्ने निर्णय गरेको छ । आन्तरिक विषयका मूल मुद्धा भनेका पार्टीको नियमावली ,नेपाल विद्यार्थी संघलगायत सबै भातृसंस्थाको तदर्थ समिति गठन, विभिन्न विभाग निर्माण तथा केन्द्रीय कार्य सम्पादन समिति गठनको विषय हो ।

चार वर्षअघि सम्पन्न १३ औं महाधिवेशन लगत्तै गर्नुपर्ने सबै काम सभापति शेरबहादुर देउवाले थाँती राख्दा पार्टी निर्जीव बनेको अवस्था छ । चार वर्ष हुन नसकेको काम अहिले आएर सहमतिमा गर्ने निर्णय हुनु आफैंमा हाँस्यास्पद रहेको छ । १४ औं महाधिवेशन हुने बेलासम्म आइपुग्दा सहमति गरेर विभाग र कार्यसम्पादन समिति गठन गर्ने कुरा लज्जाको विषय बनेको छ ।

वैठकले म्याद सकिएका भातृ तथा शुभेच्छुक संस्थाको अधिवेशन र विधान निर्माणका लागि केन्द्रीय सदस्य एनपी साउदको संयोजकत्वमा समिति गठन गरेको छ । समितिमा नबीन्द्रराज जोशी, प्रदीप पौडेल, गुरु घिमिरे, श्याम घिमिरे र ईश्वरी न्यौपाने सदस्य रहेका छ ।

तर पार्टीका उपसभापति विमलेन्द्र निधि भने कांग्रेस उर्जाशील रुपमा बढिरहेको र सबै निर्णय सहमतिमा गरिने समझदारी भएको बताउँछन् ।  गएको असार २२ गते सुरु भएको कार्यसमिति बैठक हिजो साँझ टुंगिएको हो । बैठकले १६ महत्वपूर्ण मुद्धामा सहमति त जुटायो , तर विवाद भने ज्यूँका त्यूँ हुने अवस्था छ ।

वैठकले म्याद सकिएका भातृ तथा शुभेच्छुक संस्थाको अधिवेशन र विधान निर्माणका लागि केन्द्रीय सदस्य एनपी साउदको संयोजकत्वमा समिति गठन गरेको छ । समितिमा नबीन्द्रराज जोशी, प्रदीप पौडेल, गुरु घिमिरे, श्याम घिमिरे र ईश्वरी न्यौपाने सदस्य रहेका छ ।

र याे पनि.…हिन्दूत्वको मुद्दा – कांग्रेसको सञ्जीवनी

पार्टीका कतिपय भातृ तथा शुभेच्छुक संस्थाको अधिवेशन नभएको दशक बितिसकेको छ । तदर्थ समितिका रुपमा मात्रै राखिएका ती भातृ तथा शुभेच्छुक संस्था निस्कृय प्रायः छन् । साथै अधिवेशनका नाटक विगतमा पनि पटक पटक नभएका होइनन् । तर आफ्ना भरौटेलाई पदमा राख्नकै लागि नेतृत्वले तदर्थ समिति बनाउने क्रमलाई निरन्तरता दिइरहेको छ ।

त्यसैले अब पनि साउद नेतृत्वको समितिले कुनै चमत्कार गर्ने कुरामा विश्वासको आधार भने तयार भएको छैन । समितिलाई दुई साता भित्र विधान परिमार्जन, एकरुपता, नयाँ निवेदन परेका शुभेच्छुक संस्थाको विषयमा निर्णय लिन सुझाव दिने जिम्मेवारी तोकिएको छ । यस्ता भातृ संस्थाको संख्या १० छ । तिनलाई वैधानिकता दिने नाममा पार्टी केन्द्रीय कार्यसमितिले ६ / ६ महिनाको लागि म्याद थप्ने गरेको छ । तर यो ६ महिनामा कुनै पनि भातृ तथा शुभेच्छुक संस्थाले अधिवेशन गर्ने जमर्काे समेत गरेनन् ।

नेपाल प्रेस युनियनको महाधिवेशन नभएको पाँच वर्ष नाघिसक्यो । बद्री सिक्देलको नेतृत्वमा रहेको युनियनले प्रजातन्त्रप्रति आस्थावान पत्रकारको पक्षमा केही गरेको कतै सुनिएको वा अनुभूत गरिएको छैन । पार्टी सभापति देउवाको वरिपरी मात्रै घुम्ने प्रबृत्तिलाई युनियनले प्रश्रय दिइएको छ ।

धेरै जसो तदर्थ समिति अधिवेशन गराउनै चाहँदैनन् । नेपाल विद्यार्थी संघ मात्र होइन, नेपाल दलित संघको महाधिवेशन नभएको पनि सात वर्ष बितिसकेको छ । यसका केन्द्रीय अध्यक्ष मीन बिश्वकर्मा आफैं अधिवेशन गराउन चाहँदैनन् ।

यस्तै शुभेच्छुक संस्था नेपाल प्रेस युनियनको महाधिवेशन नभएको पाँच वर्ष नाघिसक्यो । बद्री सिक्देलको नेतृत्वमा रहेको युनियनले प्रजातन्त्रप्रति आस्थावान पत्रकारको पक्षमा केही गरेको कतै सुनिएको वा अनुभूत गरिएको छैन । पार्टी सभापति देउवाको वरिपरी मात्रै घुम्ने प्रबृत्तिलाई युनियनले प्रश्रय दिइएको छ ।

र याे पनि.….कांग्रेसले अझैं २० महिना आफू–आफूलाई बाहुबली बनाउन खर्चिने 

विधान अनुसार कांग्रेसको सबै भातृ तथा शुभेच्छुक संस्थाको अधिवेशन प्रत्येक तीन वर्षमा गर्नुपर्ने छ । यसैगरी पार्टी केन्द्रीय कार्यसम्पाद समिति र विभिन्न विभाग गठन गर्न सहमति जुटाउने निर्णय गरिएको छ । खासगरी पार्टीको नियमावली , नेपाल विद्यार्थी संघको तदर्थ समिति गठन, विभिन्न विभाग निर्माण तथा केन्द्रीय कार्य सम्पादन समिति गठनका विषयमा निर्णय गरिएको छ । यसअघिको कार्यसम्पादन समिति विधान विपरित भएकाले विघटन गरिएको थियो ।

गएको चैत महिनामा सभापति शेरबहादुर देउवाले कार्यसम्पादन समिति गठन गर्न प्रयास गरेपनि सफल हुन सकेका थिएनन् । त्यसबेला रामचन्द्र पौडेललाई ४० प्रतिशत भाग दिएर गठन गर्ने तयारी भएको हो । तर तेस्रो धारका रुपमा देखिएका कृष्णप्रसाद सिटौलालाई दुबै पक्षले समेट्न नमानेकाले विवाद सिर्जना भएको थियो ।

याे पनि हेर्ने कि….निकम्मा सरकार र निस्कृय कांग्रेस

यस्तै , पार्टीका विभिन्न विभाग अहिलेसम्म गठन नहुँदा देउवाको चर्काे आलोचना हुने गरेकोे छ । महाधिवेशन सम्पन्न भएको दुई महिना भित्र गठन गरिसक्नुपर्ने विभाग अर्काे महाधिवेशन आउने बेलासम्म गठन भएको छैन । देउवाले एकलौटी गर्न खोजेको भन्दै पौडेल समूहले विरोध गरेपछि गठन प्रकृया अवरुद्ध भएको हो ।

कांग्रेसमा अहिले ४२ वटा विभाग रहेका छन् । अहिले सहमतिमा गठन गर्ने भन्नुको अर्थ फेरि पनि पछि धकेलिनु नै हो । किनभने अहिले जुट्ने सहमति पहिला नै जुट्न सक्थ्यो । त्यसैले कार्य समितिमा नेता प्रदीप गिरीले भने जस्तै देउवा र पौडेल बाँचुञ्जेल भाग बण्डामै चलाउने ध्येय रहेको बुझिन्छ । भाग शान्ति जय नेपाल ।

कांग्रेसमा नयाँ गुट…..महाधिवेशनको पूर्व सन्ध्यामा कोइराला गुटको उदय