ई–पासपोर्ट छपाईका लागि प्रक्रिया सुरू

१९ भदौ, काठमाडौं । परराष्ट्र मन्त्रालयले ५० लाख ई–पासपोर्ट छपाईका लागि प्रक्रिया अगाडि बढाएको छ । आगामी असारभित्र पहिलो चरणको विद्युतीय राहदानी ई–पासपर्ट वितरण थाल्ने योजनासहित उक्त संख्यामा छपाईको तयारी गरेको मन्त्रालयले जानकारी दिएको थियो ।

एक वर्षपछि मेसिन रिडेबल पासपोर्ट एमआरपी नवीकरण गर्न वा नयाँ लिन पनि ई–पासपोर्ट पद्धतिमै जानुपर्ने बताउदै मन्त्रालयको राहदानी महाशाखाले ४५ दिन अवधि तोकेर गत साता अन्तर्राष्ट्रिय बोलपत्र आह्वान गरिसकेको मन्त्रालयले जनाएको छ ।

राहदानी महासाखाका निर्देशक एवं सूचना अधिकारी तीर्थराज अर्यालका अनुसार पासपोर्टभित्रै औंठाछाप, पोटो तथा व्यक्तिगत विवरणसहितको चिप्स राखिनेछ । अन्य कतिपय मुलुकमा भने आँखाको रेटिनाजस्ता जैविक पहिचानसहितको ‘चिप्स’ प्रयोग गर्ने गरेका छन् ।

‘अहिले जारी भएको एमआरपीले फोटो रिड गर्न नसक्ने भएकाले व्यक्तिगत पहिचान झुक्कीन सक्ने सम्भावना रहन्छ ।’ अर्यालले कान्तिपुरसँग भने, ई–पासपार्ट चिप्समा रहेको फोटोमार्फत मुहार पहिचान प्रविधिनबाट विश्वसनीय तरिकाले व्यक्ति पहिचान गर्न सकिन्छ ।’ यो समाचार कान्तिपुर दैनिकमा देवेन्द्र भट्टराईले खवर छापेका छन।