पर्यटन मन्त्री भट्टराईले गरे विमानस्थल भित्र सुविधा थप्ने काम

२० भदौ, काठमाडौं । त्रिभुवन अन्तर्राष्ट्रिय विमानस्थलको आन्तरिक भवनमा लगेज बेल्टको शुभारम्भ भएको छ । संस्कृति पर्यटन तथा नागरिक उड्डयनमन्त्री योगेश भट्टराईले शुक्रबार लगेज बेल्टको शुभारम्भ गर्दै आन्तरिक विमानस्थल भित्र सेवा सुबिधा थप्ने काम सुरु भएको बताएका छन् ।

मन्त्री भट्टराईले देशभित्र सञ्चालनमा रहेका सबै विमानस्थलमा यसैगरी सेवा थपदै जाने पनि बताए । उनले काठमाडौं लगायत देश भित्रका विमानस्थलहरुमा ‘पर्यटन वर्ष २०२०’ लक्षित कार्यक्रम लागू हुने बताए । मन्त्री भट्टराईले नागरिकलाई सेवा सुविधा दिन सरकार सधै तयार रहेको पनि बताएका छन् । उनले आन्तरिक तर्फको विमानस्थलहरुको भौतिक संरचना र सेवाको विस्तार गर्दै लैजाने घोषणा गरेका छन् ।

यस लगेज बेल्टले सेवाग्राहीको सामानको सुरक्षा हुने, लगेज छिटो प्राप्त गर्न सकिने विमानस्थल प्रशासनले जनाएको छ ।