शिक्षामा राजनीतिकरण बन्द नगरेसम्म मुलुकको बिकास असम्भव :- महामन्त्री डा. कोईराला

मिना कंडेल
२० भदौ,नवलपुर । नेपाली कांग्रेसका महामन्त्री तथा सांसद डा.शशांक कोईरालाले शिक्षामा राजनीतिकरण बन्द नभएसम्म मुलुकको बिकास असम्भब रहेकोमा जोड दिएका छन् ।

शिक्षाको बिकास बिना मुलुकको बिकास सम्भब नरहेको बताउँदै डा.कोइरालाले शिक्षामा राजनीति पुर्ण रुपमा बन्द हुनु पर्नेे बताए । नवलपरासीको देवचुली नगरपालिकास्थित पृथ्बी माध्यमिक बिद्यालयको बार्षिकोत्सब कार्यक्रमलाई शुक्रवार सम्बोधन गर्दै नेपाली कांग्रेसका महामन्त्री डा. कोइरालाले सो विचार ब्यक्त गरेका हुन् ।

उनले जबसम्म बिद्यालयमा अध्यापन गराउने शिक्षक ,अभिभावक र बिद्यार्थी प्रति जिम्मेवार हदैंनन तबसम्म कुनै पनि शिक्षाले फड्को मार्न नसक्ने बताउँदै हामीले हरेक कुरामा राजनीति गर्न नहुनेमा जोड दिए । हामी सबैले एक भएर शिक्षामा केही गर्नुपर्छ भनेर लाग्यौं भने साँच्चिकै अघि बढन सक्छौं र त्यसका लागि सबैको सोच सकरात्मक हुनुपर्नेमा कोइरालाले जोड दिए । शिक्षा उज्यालो दिशातर्फ लम्कने खुडकिलो भएकाले यस्को बिकासमा अग्रसर हुन आग्रह गरेका छन् ।

डा.कोइरालाले शिक्षकले राजनीति गर्न नहुनेमा जोड दिदैं कोइरालाले बालबालिकाको भविष्य कुनै पनि अबस्थामा बिगार्न नहुनेमा जोड दिए । उनले शिक्षा क्षेत्रको बिकासमा सबैले हातेमालो गरेर अघि बढेमा शिक्षामा कायपलट हुने पनि बताउदै बिकास र समृद्धिको मुल आधार नै शिक्षा भएको बताए ।

कार्यक्रममा बिद्यालयलाई महत्वपुर्ण योगदान दिनेहरुलाई डा. कोइरालाले सम्मान गरेका थिए ।