दोश्रो जागरण अभियानले पार्टीलाई नयाँ जीबन दिन सफल हुनेः महामन्त्री डा.कोइराला

मिना कंडेल
२२ भदौ, नवलपुर । नेपाली कांग्रेसका महामन्त्री तथा संघीय सांसद डा.शशांक कोईरालाले काँग्रेसको दोश्रो जागरण अभियानले पार्टीलाई नयाँ जीबन दिन सफल हुने बताएका छन् । उनले जागरण अभियानले मात्र काँग्रेसको संगठनमा नयाँ जागरण थपिने र यसले कार्यकर्ताहरुमा उत्साह दिने बताए ।

नेपाली काँग्रेस पुर्बी नवलपरासी क्षेत्र नं १ को कार्यक्रमलाई देबचुलीमा सम्बोधन गर्दै महामन्त्री डा. कोइरालाले अब काँग्रेसमा एकता र संगठनमा आमूल परिबर्तनको आबश्यक रहेकाले पुरानो संस्कार बाट नभई पार्टीलाई नयाँ पद्दतिबाट अगाडी बढाउनु पर्ने समय आएको बताए । त्यस्तै, उनले पार्टीले अब उठाउने उम्मेदवार जिल्ला तहबाटै निक्र्योल गरिने बताएका छन् । पार्टीले उठाउने उम्मेदवार पनि केन्द्रले हस्तक्षेप गर्न थाले पछि अब केन्द्रले नभई जिल्लाबाट नै स्थानीय तहमा उठाउने नगर, गाउँपालिकाका उम्मेदवार जिल्लाबाटै टुङ्गो लगाईने बताएका छन् ।

डा. कोइरालाले अब काँग्रेसको संगठनमा आमूल परिबर्तनको आबश्यकता रहेको बताउँदै पार्टीले आयोजना गर्ने जागरण अभियानलाई सफल बनाउन सबैले साथ दिनुपर्ने बताएका छन् । काँग्रेस एक ढिक्का भएर संगठनमा होमिनु पर्ने र अब पार्टीमा शुद्धिकरण आबश्यक रहेको समेत उनले वताए । कार्यकर्ताहरुले धैर्य गर्नु पर्ने र एक चित एक मन का साथ संगठनमा लाग्न कोइरालाले निर्देशन दिएका छन् ।