हिन्दूत्वको मुद्धामा नेकपाको राेइलो

२४ भदौ, काठमाडौं । धर्म निरपेक्षताको विषयले अहिले देशमा नयाँ उफान खडा गरिदिएको छ । देशको सबैभन्दा पुरानो राजनीतिक दल नेपाली कांग्रेस भित्र उठेको यो मुद्धाले राष्ट्रिय राजनीति तरंगित बन्न थालेको छ । यसले सबैभन्दा बढी सत्तारुढ नेपाल कम्युनिष्ट पार्टीका नेतालाई पोलेको छ ।

नेपाली कांग्रेसले यो विषयमा औपचारिक रुपमै छलफल थाल्ने अवस्था आयो भने मुलुकी राजनीतिले नयाँ कोर्ष लिने निश्चित छ । धर्म निरपेक्षताका नाममा कम्युनिष्ट सत्ताधारीले गैरहिन्दूहरुलाई बढी महत्व दिएको अवस्था छ । यसबाट अधिकांश नेपालीको मन भाँच्चिएको छ । विभिन्न राजनीतिक दलका केही शीर्ष भनिएका नेताको लहड र सनकका भरमा बिनाआधार संविधानमा घोषणा गरिएको धर्मनिरपेक्षताको विषय अब भने बहसको विषय बन्न थालेको छ । कांग्रेसले यसको औपचारिक सुरुआत ग¥यो भने यो मुद्धाले राष्ट्रिय अन्तराष्ट्रिय चर्चा पाउने छ । साथै नेपालको राजनीति नै यही मुद्धाको वरिपरि घुम्ने अवस्था छ ।

जनताको विश्वास आफूहरुप्रति कमजोर हुन थालेको ओलीलाई थाहा छ । त्यसैले जनतामा नयाँ खाले मुद्धाले जागरण ल्यायो भने आफ्नो सरकार नै धरापमा पर्ने ठहर उनको हुनसक्छ । जनताबाट अनुमोदन नगराई बलात् लादिएको धर्मनिरपेक्षता ईशाइकरण गर्ने माध्यमका रुपमा आएको वा ल्याइएको हो ।

दुई तिहाई समर्थन प्राप्त खड्गप्रसाद ओली सरकार कतै कांग्रेसले यो मुद्धाको अगुवाई ग¥यो भने आगामी निर्वाचनमा पत्तासाफ हुने बुझाईमा छ । धर्मनिरपेक्षताको विषय नेपालीजनको आत्माले स्वीकार्न सकेको छैन । त्यसैले यसबाट अन्यत्रै ध्यान मोड्न अनेक तर्क-कुतर्क गर्न थालिएको छ ।

नेकपाका नेताहरु भन्न थालेका छन् :– कांग्रेसमा यो मुद्धाले प्रवेश पायो भने देशमा प्रतिगमन हुने निश्चित छ । राजतन्त्रको भूत पनि यही मुद्धासँगै जाग्ने लंगडो तर्क उसको देखिन्छ । जनताको विश्वास आफूहरुप्रति कमजोर हुन थालेको ओलीलाई थाहा छ । त्यसैले जनतामा नयाँ खाले मुद्धाले जागरण ल्यायो भने आफ्नो सरकार नै धरापमा पर्ने ठहर उनको हुनसक्छ । जनताबाट अनुमोदन नगराई बलात् लादिएको धर्मनिरपेक्षता ईशाइकरण गर्ने माध्यमका रुपमा आएको वा ल्याइएको हो ।

त्यसको अगुवाई स्वयं प्रधानमन्त्री ओलीले गरेका छन् । होलीवाइन प्रकरणबाट नेपाली जनताले ओलीको सक्कली अनुहार देखेका छन् । पार्टीका अधिकांश नेताले सार्वजनिक रुपमा नै ओलीको हर्कत र होटलबासको चर्को आलोचना गरेका थिए । सोही प्रकरणका कारण नेकपा भित्र उत्पन्न तनाव केही समयका लागि बाहिर नदेखिए पनि भुसको आगो झैं सल्किरहेको छ । त्यसैले कांग्रेसले यो मुद्धामा राष्ट्रिय बहस चलायो भने उनको सत्ता धरापमा पर्ने नै हो ।

हिन्दूहरुमाथिको थिचोमिचो अत्यधिक भएपछि आजको अवस्था आउनु नै थियो । त्यसका लागि नेपाली जनता एउटा भरपर्दाे शक्तिको आड खोजिरहेका छन् । त्यही आड अहिले नेपाली कांग्रेस बन्ने तरखर गर्दै छ । नेपाली कांग्रेसले मात्रै यो मुद्धालाई तार्किक निष्किर्षमा पु¥याउन सक्छ ।

८१ प्रतिशत हिन्दू धर्म मान्ने जनताको भावना अहिले कुण्ठित छ । हिन्दू धर्मप्रति आस्थावान नेपाली अहिले सबैभन्दा उत्पीडित र प्रताडित छन् । ओमकार परिवारसमेत जोड्ने हो भने नेपालमा ९० प्रतिशत जनता सनातनी छन् । तिनको चाडपर्व र संस्कृति आज ओझेलमा छ । बरु गैर हिन्दू त्यसमा पनि ईशाइहरुका लागि भने यो भूमि सबैभन्दा उर्वर बनेको छ । स्वयं कार्यकारी प्रमुख नै त्यसको नेतृत्वकर्ता भएपछि देशले यो अवस्था भोग्नु स्वभाविक थियो । ९० प्रतिशत ओमकार परिवार भित्रको मत लिएर सत्तामा आसिन कार्यकारी प्रमुखले बिरामी शरीर लिएर होटलमा नै बास बसेर ईशाइकरणको बीज होलीवाईन घुटुक्क पारेपछि उनी बिरुद्ध नागरिक स्तरबाट नै विरोध सुनिएको छ ।

तर सबै कुराको एउटा हद हुन्छ नै । सगरमाथा चढिसकेपछि थप उँचाईमा जाने कुरा हुँदैन । निश्चित रुपमा तल झर्नै पर्छ । अहिले ठीक त्यही अवस्था छ नेपालमा । हिन्दूहरुमाथिको थिचोमिचो अत्यधिक भएपछि आजको अवस्था आउनु नै थियो । त्यसका लागि नेपाली जनता एउटा भरपर्दाे शक्तिको आड खोजिरहेका छन् । त्यही आड अहिले नेपाली कांग्रेस बन्ने तरखर गर्दै छ । नेपाली कांग्रेसले मात्रै यो मुद्धालाई तार्किक निष्किर्षमा पु¥याउन सक्छ ।

कांग्रेसले यो मुद्धाको नेतृत्व ग¥यो भने नयाँ राजनीतिक ध्रुवीकरण हुने र राजतन्त्रसमेत बहसको केन्द्रमा आउनसक्ने उसको बुझाइ छ । त्यसैले प्रधानमन्त्री ओली र अर्का अध्यक्ष पुष्पकमल दाहाल प्रचण्ड बेला–बेला देश प्रतिगमतर्फ अग्रसर हुन लागेको रोइलो गर्ने गर्छन् ।

गत पुस महिनामा सम्पन्न महासमिति बैठकले यो मुद्धामा ठोस कदम चाल्न नेतृत्वलाई घच्घच्याइ दिएको छ । महासमितिका आधा भन्दा बढी सदस्यले धर्म निरपेक्षताबारे पार्टीले पुनर्विचार गर्नुपर्ने भन्दै हस्ताक्षर नै गरिएको छ । यही गतिमा यो अभियान अघि बढ्यो भने आगामी चौधाैं महाधिवेशमा यो मुद्धाले औपचारिक रुपमै प्रवेश पाउने छ र देश एउटा नयाँ दिशामा प्रवेश गर्ने छ । यद्यपि यो मुद्धा कमल थापा नेतृत्वको राप्रपाले लामो समयदेखि उठाउँदै आएको छ । तर जनतामा राप्रपाप्रति विश्वास र भरोशा देखिएन । त्यसैले कांग्रेस भित्र यो विषयले अनौपचारिक रुपमै प्रवेश पायाे भने भन्ने त्रासले सत्तासिनहरुको सातो उडेको हो ।

कांग्रेसले यो मुद्धाको नेतृत्व ग¥यो भने नयाँ राजनीतिक ध्रुवीकरण हुने र राजतन्त्रसमेत बहसको केन्द्रमा आउनसक्ने उसको बुझाइ छ । त्यसैले प्रधानमन्त्री ओली र अर्का अध्यक्ष पुष्पकमल दाहाल प्रचण्ड बेला–बेला देश प्रतिगमतर्फ अग्रसर हुन लागेको रोइलो गर्ने गर्छन् ।

अहिले सत्तामा रजगज गरिरहेका कम्रेडहरु कांग्रेसको राजनीतिक अजेण्डा नभएकाले धर्म निरपेक्षताको विषय ल्याउन खोजेको आरोप लगाउँछन् । निश्चय नै ९० प्रतिशत जनताको आस्थाको मुद्धामा कम्युनिष्ट सरकार संवेदनशिल देखिएन, त्यसैले यो मुद्धामा कुनै न कुनै शक्तिले आवाज उठाउनै पर्ने थियो । त्यसको अगुवाई कांग्रेसले गर्नु पथ्र्याे, गर्नुपर्छ ।

वास्तवमा हिन्दू धर्म र राजतन्त्र आफैंमा अलग विषय र मुद्धा हुन् । धर्मसँगै राजतन्त्रको मुद्धाले प्रवेश पाउने भन्ने नेकपा निकट नेताको बुझाई एकांकी र जडसूत्रवादी छ । नेपाली जनताको रोजाई गणतन्त्र नेपाल हो । तर त्यसभित्र राजतन्त्रको भूत देख्छन् कम्रेडहरु । २०६२/६३ को जनआन्दोलनमा नेपाली जनताले सडकमै गणतन्त्र मागेको हो । धर्म निरपेक्षताको विषय नेपाली जनताको रुची र प्राथमिकतामा कहिल्यै थिएन र छैन ।

नेताहरुको व्यक्तिगत स्वार्थका लागि धर्म निरपेक्षता र संघीयतालाई संविधानमा जबर्जस्ती घुसाइएको हो । त्यसैले यो मुद्धा धेरैको चासोमा परेको हो । अहिले सत्तामा रजगज गरिरहेका कम्रेडहरु कांग्रेसको राजनीतिक अजेण्डा नभएकाले धर्म निरपेक्षताको विषय ल्याउन खोजेको आरोप लगाउँछन् । निश्चय नै ९० प्रतिशत जनताको आस्थाको मुद्धामा कम्युनिष्ट सरकार संवेदनशिल देखिएन, त्यसैले यो मुद्धामा कुनै न कुनै शक्तिले आवाज उठाउनै पर्ने थियो । त्यसको अगुवाई कांग्रेसले गर्नु पथ्र्याे, गर्नुपर्छ ।

छिमेकी भारतमा भारतीय जनता पार्टीको दोस्रो कार्यकालको सरकार बनेकाले कांग्रेस हौसिएर यो मुद्धामा प्रवेश गर्न खोजेको बुझाइ कतिपय कम्रेडमा रहेको छ । तर नेपाली कांग्रेस भित्र यो मुद्धा विगत देखिनै चलिराखेकाे छ ।  गत पुस महिनामा नै महासमिति वैठकबाट प्रवेश भइसकेको र तात्विक निष्कर्षमा पुग्न मात्र बाँकी रहेको यथार्थ नबुझ्नेहरुका लागि नयाँ लाग्ला । यति मात्र होइन, नेकपाका केही नेताको तर्क कांग्रेसमा फेरि पनि शेरबहादुर देउवा नै नेतृत्वमा आउने अवस्था भएकाले यो मुद्धा उठाइएको भन्ने पनि छ । कांग्रेसको आन्तरिक राजनीतिमा खेल्ने उद्देश्यले यस्ता फितलो तर्क गरिएको हुनसक्छ ।

तर धर्म निरपेक्षताको विषय अहिले मात्र उठेको पक्कै होइन । विगतदेखि नै महामन्त्री डा. शशांक कोइरालाले यो मुद्धा उठाउँदै आएका हुन् । साथै समय अनुसार राजनीतिक दल पनि चलेनन् भने असान्दर्भिक हुने निश्चित छ । अहिले मुलुकले हिन्दूत्वको रक्षाकवच खोजेको छ । त्यसका लागि नेपाली कांग्रेस उपयुक्त शक्ति हो भन्ने जनभावनाको कदर गर्न सक्नुपर्छ । त्यसैले दुई तिहाईको शक्तिका साथ सत्तामा आएको नेकपा र यसका नेताहरुले यस्तो रुञ्चे तर्क गर्नु भन्दा जनभावनाको कदर हुने गरी काम गर्दा राम्रो ।