सिटी एक्सप्रेस मनी ट्रान्सफर र अमेरिकाको “रेमिट्ली” बीच रेमिटान्स सम्झौता

२६ भदौ,काठमाडौं । अमेरिकाको ख्यातिप्राप्त रेमिटान्स कम्पनी रेमिट्ली र सिटी एक्सप्रेस मनी ट्रान्सफर बीच रेमिटान्स सम्झौता भएको छ ।

अमेरिका, युरोप र क्यानडामा रहने नेपालीहरुले अब रेमिट्ली (Remitly) को मोबाइल एप्लिकेशन डाउनलोड गरी सजिलै आफ्ना आफ्न्तलाई मोबाइलबाट पैसा पठाउन र नेपालमा सिटी एक्सप्रेससँग आबद्घ सात हजारभन्दा बढी एजेन्ट्हरुबाट सजिलै भुक्तानी लिन सकिने या कुनैपनि बैंकको खातामा रकम जम्मा गर्न सकिने छ ।

उक्त सम्झौतामा सिटी एक्सप्रेसको तर्फबाट सिटी एक्सप्रेस मनी ट्रान्सफरका प्रबन्ध निर्देशक चन्द्र टण्डन र रेमिट्लीको तर्फबाट प्रमुख कार्यकारी अधिकृत म्याथ्यू अप्पन हाईम्रले हस्ताक्षर गरेका छन् ।

सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउदै बिगत १३ वर्षदेखि बिश्व भरी आफ्नो रेमिट एजेन्ट्हरुबाट सात हजारभन्दा बढी नेपालका एजेन्ट्हरु मार्फत भुक्तानी सेवा प्रदान गर्दै आइरहेको छ ।