तत्काल अप्रिय कदम नचाल्न राष्ट्रपतिको सुझावपछि ओली ब्याक

२७ भदौ,काठमाडौं । धेरैले अनुमान गरेका थिए नेकपा अध्यक्ष एवं प्रधानमन्त्री खड्गप्रसाद ओली सिंगापुरबाट फर्के लगत्तै केही गर्नेवाला छन् । खासगरी पार्टी भित्रको आन्तरिक राजनीतिलाई प्रभावित हुने गरी उनले कदम चाल्ने अनुमान गरिएको थियो । उनी त्यसका लागि तयार पनि थिए ।

त्यसैका लागि उनले बामदेव गौतमलाई सिंगापुर नै बोलाएका हुन् । तर स्वदेश फर्के लगत्तै उनको रणनीति फेरिएको छ ।राष्ट्रपति विद्यादेवी भण्डारीले नै तत्काल अप्रिय निर्णय नगर्न सुझाएपछि ओली पछि हटेको स्रोतको दावी छ । कुनैपनि बेला ओलीले भाँडभैलो मच्चाउने संभावना छ – माधवकुमार नेपाल निकट एक जना पोलिटव्यूरो सदस्यले नेपालबहससँग भने ।अहिलेको मौनता आँधी आउनु अघिको सन्नाटा हुनसक्ने उनको ठम्याई छ ।  कतिपय राजनीतिक विश्लेषकको आंकलन पनि यस्तै पाइन्छ ।

विश्लेषक केसी पनि अहिले महामहिम राष्ट्रपति विद्यादेवी भण्डारीको राजनीतिक सक्रियता ह्वात्तै बढेको र यसले नेकपाको आन्तरिक राजनीतिमा प्रभाव सिर्जना गरेको संकेत गर्छन् ।

ओली अहिले पनि पूर्ण रुपमा स्वस्थ भैनसकेकाले सुनामी आउनु अघिको शान्ति हुन सक्छ – राजनीतिक विश्लेषक सुरेन्द्र केसीको भनाई छ । ओलीको स्वभाव गोमन सर्पको जस्तो छ , दुश्मनलाई कुनैपनि हालतमा छाड्नेवाला छैनन् केसी भन्छन् – अहिले अस्वस्थ्यता र अरु कुनै कारणले ओली मौन बसेको हुनसक्छ । विश्लेषक केसी पनि अहिले महामहिम राष्ट्रपति विद्यादेवी भण्डारीको राजनीतिक सक्रियता ह्वात्तै बढेको र यसले नेकपाको आन्तरिक राजनीतिमा प्रभाव सिर्जना गरेको संकेत गर्छन् ।

त्यसका लागि पार्टी महासचिव विष्णु पौडेलमार्फत वातावरण तयार गरिएको हो ती नेताले भने । राष्ट्रपतिले महासचिव पौडेलमार्फत बामदेवलाई हरियो घाँस देखाएको हामीले थाहा पाईसकेका हौं , उनले भने तर बामदेवले फेरि पनि ओलीबाट धोका पाउने निश्चित छ ।

हुन पनि प्रधानमन्त्री ओलीलाई सुरक्षित बनाउन र समस्याबाट पार लगाउन उनले गर्न हुने नहुने सबै काम गर्न थालेको आरोप लाग्ने गरेको छ ।  पार्टी भित्र गुटबन्दी बढाउन राष्ट्रपति जस्तो सम्मानित पद नांगो भएर मैदानमा उत्रनु गलत भएको आरोप नेपाल पक्षले लगाउने गरेको छ । खासगरी प्रधानमन्त्री ओलीसँग बामदेव गौतमको निकटताको सूत्राधार राष्ट्रपति नै रहेको नेपाल पक्षले भन्ने गरेका छन् ।

बामदेवलाई खुशी पारेर आन्तरिक राजनीतिमा ओली पक्षलाई बलियो बनाउने खेल राष्ट्रपतिबाटै खेलिएको जगजाहेर छ –आफ्नो नाम सार्वजनिक गर्न नचाहने एकजना नेकपा नेताले नेपालबहसलाई भने । त्यसका लागि पार्टी महासचिव विष्णु पौडेलमार्फत वातावरण तयार गरिएको हो ती नेताले भने । राष्ट्रपतिले महासचिव पौडेलमार्फत बामदेवलाई हरियो घाँस देखाएको हामीले थाहा पाईसकेका हौं , उनले भने तर बामदेवले फेरि पनि ओलीबाट धोका पाउने निश्चित छ ।

हुनपनि त्यतिबेला बामदेवलाई ओलीको पक्षमा ल्याउन राष्ट्रपतिले सक्रिय भूमिका खेलेको सञ्चारमाध्यमहरुले सार्वजनिक गरिसकेका थिए । त्यसबारे शितलनिवासले कुनै खण्डन गरेको छैन । राष्ट्रपति जस्तो गरिमामय पदमा आसिन व्यक्तिले यसरी खुल्लम खुला सक्रिय राजनीति गर्नु लज्जाको विषय हो – राजनीतिक विश्लेषक केसी भन्छन् । उनका अनुसार , अहिले ओलीले माधव नेपाललाई एक्ल्याउन सबै हतियारको प्रयोग गरेका छन् ।

ओली र नेपालबीच सम्बन्ध बिग्रिएपछि पार्टी भित्र ठूलै रडाको मच्चिने आंकलन गरिएको थियो । तर राष्ट्रपति विद्यादेवीले हाललाई कुनै अप्रिय कदम नचाल्न ओलीलाई सुझाएको स्रोत बताउँछ ।  ओली भने सिंगापुरबाट नेपाललाई एक्ल्याउने गरी पार्टी तथा सरकारमा व्यापक फेरबदल गर्ने तयारीमा थिए ।

सबैलाई कुनै न कुनै पदको लालच दिएर ओली फेरि आन्तरिक समीकरणमा बलियो बनेको अवस्था छ । बामदेवलाई विधानमै नभएको उपाध्यक्षसहित संगठन विभाग प्रमुखको जिम्मेवारी दिने निर्णय गराइसकेका छन् । यस्तै राष्ट्रपतिकै प्रभाव प्रयोग गरेर पुष्पकमल दाहाल प्रचण्डलाई समेत हरियो घाँस देखाइएको नेपाल निकट एकजना पोलिटव्यूरो सदस्यले भने ।

राष्ट्रपतिकै अघिल्तिर ओलीले प्रचण्डलाई स्वास्थ्यले साथ नदिए प्रधानमन्त्री पद सुम्पने नत्र अध्यक्षको कार्यकारी पद हस्तान्तरण गर्ने वचन दिएको ती नेताको दावी छ । यस्तै पूर्व प्रधानमन्त्रीसमेत रहेका वरिष्ठ नेता झलनाथ खनाललाई पनि आगामी राष्ट्रपतिको घाँस देखाइएको छ । ती नेताका अनुसार, राष्ट्रपति विद्यादेवीकै सक्रियतामा झलनाथलाई पनि ओली विरोधी गुटबाट बाहिर निकालिएको छ ।

झलनाथलाई तत्कालै पार्टी भित्र तेस्रो वरियता प्रदान गर्ने र आगामी राष्ट्रपतिको उम्मेदवार बनाउने सहमति भएको छ । त्यसैले झलनाथ अहिले ओली बिरुद्ध देखिएका छैनन् । राष्ट्रपति विद्यादेवीको चाहना नै नेता नेपाललाई एक्लो पारेर ओलीलाई पार्टी र सरकार दुबै मोर्चामा बलियो बनाउनु स्पष्ट भएको राजनीतिक विश्लेषक केसीले बताएका छन् ।

ओली र नेपालबीच सम्बन्ध बिग्रिएपछि पार्टी भित्र ठूलै रडाको मच्चिने आंकलन गरिएको थियो । तर राष्ट्रपति विद्यादेवीले हाललाई कुनै अप्रिय कदम नचाल्न ओलीलाई सुझाएको स्रोत बताउँछ ।  ओली भने सिंगापुरबाट नेपाललाई एक्ल्याउने गरी पार्टी तथा सरकारमा व्यापक फेरबदल गर्ने तयारीमा थिए ।

नेपाल पक्ष पनि अहिले पर्ख र हेरको अवस्थामा देखिएको छ । ओलीले आफूलाई एक्ल्याउन खोजेपनि कार्यकर्ता तहमा आफ्नो पकड बलियो रहेको ठम्याई नेपाल पक्षको रहेको छ । अस्ति मंगलबार नयाँ बानेश्वरस्थित अर्याल होटलमा नेपाल पक्षको गोप्य भेला भएको थियो । भेलामा सहभागी नेताहरुले ओलीको आगामी कदम हेरेर मात्र प्रतिक्रिया दिनुपर्ने रणनीति तयार गरेका छन् ।

ओलीले अप्रिय कदम नचालेसम्म पार्टी नेतृत्व र सरकारको सावर्जनिक रुपमा आलोचना नगर्ने सहमति वैठकमा भएको नेपाल निकट एक पोलिटव्यूरो सदस्यले बताए । त्यसैले सत्तारुढ नेकपा भित्रको अहिलेको मौनता आँधी आउनु अघिको शान्ति हुन सक्ने आंकलन गरिएको हो ।