एक सातामा सुनको भाउ १५ सयले घट्यो

२९ भदौ, काठमाडौं। एक सातादेखि सुनको भाउ लगातार घटिरहेको छ। गत सोमबारदेखि घटेको सुनचाँदीको मूल्य आइतबार फेरि ओरालो लागेको छ ।

आइतबार प्रतितोला सुनको मूल्य चार सय रुपैयाँले घटेको छ। नेपाल सुनचाँदी व्यवसायी महासंघका अनुसार आइतबार प्रतितोला सुनको मूल्य ७० हजार दुई सय रुपैयाँमा कारोबार भएको छ ।

गत शुक्रवार सुनको मूल्य ७० हजार ६ सय रुपैयाँमा कारोबार भएको थियो । गत सोमबार यता मात्रै प्रतितोला सुनको मूल्य १५ सय रुपैयाँले घटिसकेको छ। गत सोमबार सुनको मूल्य प्रति तोला ७१ हजार सात सय रुपैयाँ रहेको थियो।

आइतबार प्रतितोला चाँदीको मूल्य पनि ३० रुपैयाँले घटेको छ। महासंघका अनुसार आइतबारको लागि प्रतितोला चाँदीको मूल्य आठ सय ४० रुपैयाँ कायम गरिएको छ।

यस अघि चाँदीको मूल्य आठ सय ७० रुपैयाँ रहेको थियो। गत बुधवारदेखि चाँदीको मूल्य घट्दो अवस्थामा रहेको छ। बुधवार यता प्रति तोला चाँदीको मूल्य ४० रुपैयाँले घटेको छ।