लामखुट्टेको बासस्थान खोज र नष्ट गर अभियानलाई तीव्रता
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
भदौ २९, २०७६ आइतबार २३:५०:२२
![](https://nepalbahas.prixacdn.net/media/albums/dengue-mosquito_GJerhwRjV8.jpg)
मिना कंडेल
२९ भदौ, काठमाडौं । पछिल्लो समयमा पूर्वी नवलपुरमा डेङ्गुका बिरामी दिनप्रतिदिन बढ्दै गएको जिल्ला स्वास्थ्य कार्यालय नवलपरासी पूर्वका प्रमुख ख्याम केसीले जानकारी दिए । प्रमुख केसीका अनुसार सबैभन्दा धेरै डेङ्गुको सङ्क्रमण गैँडाकोट नगरपालिकामा देखिएको छ । गैँडाकोट नगरपालिकामा मात्र ५२ भन्दा धेरैमा डेङ्गुको सङ्क्रमण देखिएको छ । गैँडाकोट नगरपालिकासँगै देवचुली, कावासोती, मध्यविन्दु नगरपालिका र विनयी त्रिवेणी गाउँपालिकामा डेङ्गुको प्रभाव धेरै देखिएको प्रमुख केसीले बताए । जिल्लाको पहाडी क्षेत्रका स्थानीय तहमा भने अझैसम्म कसैमा डेङ्गु भएको भन्ने जानकारी प्राप्त नभएको प्रमुख केसीले जानकारी दिए ।
भदौ २९ गतेसम्मको प्राप्त तथ्याङ्कअनुसार गैंडाकोटमा ५२ जना, देवचुली नगरपालिकामा १० जना, कावासोती नगरपालिकामा ८ जना र मध्यबिन्दु नगरपालिकामा एक जनामा डेंगीको संक्रमण देखिएको छ । राजमार्गसँग जोडिएका बजार क्षेत्रका ७१ जनामा डेंगीको संक्रमण देखिएको स्वास्थ्य कार्यालय नवलपरासी पूर्वका प्रमुख ख्याम केसीले जानकारी दिए ।
नवलपरासी पूर्वका डेंगी संक्रमितहरुको मध्यबिन्दु जिल्ला अस्पतालसहित स्थानीय अस्पताल र चितवनमा उपचार भैरहेको प्रमुख केसीले बताउनुभयो । डेंगीको संक्रमण बढेपछि यहाँका पालिकाहरुले लामखुट्टेको बास स्थान खोज र नष्ट गर अभियानलाई तीव्रता दिएका छन् । गैंडाकोट नगरपालिका, देवचुली नगरपालिका, कावासोती नगरपालिका, मध्यबिन्दु नगरपालिका र विनयी त्रिवेणी गाउँपालिकाले बजार क्षेत्र लक्षित गरी विभिन्न सामुदायिक संघसंस्थाको सहकार्यमा अभियान सञ्चालन गरिरहेका छन् ।
यसैविच मध्यविन्दु जिल्ला अस्पताललाई डेङ्गु परीक्षण किट प्रदान गरिएको छ । डेङ्गु परीक्षणका लागि किट अभाव भएपछि कावासोती नगरपालिकाले अस्पताललाई किट उपलब्ध गराएको हो । नगरपालिकाले अस्पतालमा आउने बिरामीलाई सहजरूपमा परीक्षण गर्न सकियोस् भनेर किट उपलब्ध गराएको कावासोती नगरपालिका उपप्रमुख पे्रमशङ्कर मर्द्निया थारूले बताए । उपप्रमुख थारूले अस्पतालका मेडिकल सुपरीटेन्डेन्ट डा टेकेन्द्र गौतमलाई १०० थान डेङ्गु परीक्षण किट प्रदान गर्नुभएको हो ।
अस्पतालमा प्रदेशबाट ५०, अस्पतालले खरीद गरेको २५ र जिल्ला स्वास्थ्य कार्यलयबाट पाँच किट प्राप्त भएकामा शुक्रबारबाट अस्पतालमा किट सकिएको थियो । मध्यविन्दु जिल्ला अस्पतालमा दैनिक ५० जनाको हाराहारीमा ज्वरोका बिरामी आउने गरेका छन् । अस्पतालमा आएका बिरामीमध्ये धेरैले डेङ्गु परीक्षणका लागि भन्ने गरेको भए पनि आफूहरुले अवस्था हेरेर मात्र परीक्षण गर्ने गरेको डा. गौतमले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप७७ वटै जिल्लाका सीडीओलाई कार्यक्षेत्र नछाड्न गृहसचिवको निर्देशन
असार २१, २०८१ शुक्रबार
देशका विभिन्न स्थानमा चट्याङसहित भारी वर्षाको सम्भावना
असार २१, २०८१ शुक्रबार
आगामी तीन दिन हल्कादेखि भारी वर्षाको सम्भावना, सतर्कता अपनाउन आग्रह
असार २०, २०८१ बिहिबार
सभापति देउवासँग अध्यक्ष नेपालको भेट
नेपालबहस संवाददाता
असार १८, २०८१ मंगलबार
रास्वपाले लुकाउन नसकेका पाँच झूट
विनोद त्रिपाठी
असार १९, २०८१ बुधबार
भान्छा कोठामा पसेको बिषालु गोमन सर्प
नेपालबहस संवाददाता
असार २१, २०८१ शुक्रबार
भान्छा कोठामा पसेको बिषालु गोमन सर्प
असार २१, २०८१ शुक्रबार
एकीकृत समाजवादीले घोषणा गरेका ९३ जना केन्द्रीय सदस्यभित्र अटाएनन् प्रेम आले
असार २१, २०८१ शुक्रबार
प्रधानमन्त्रीले राजीनामा नदिने, छिट्टै विश्वासको मत लिने
असार २०, २०८१ बिहिबार
महिलाको ३३ र दलितको १४ प्रतिशत सीट सुरक्षित गरेर समानुपातिक प्रणाली हटाउनुपर्छः कोइराला
असार २१, २०८१ शुक्रबार
सन्दीपलाई क्यानले दियो ए ग्रेडको केन्द्रीय सम्झौता
असार २१, २०८१ शुक्रबार
सहकारी ठगीः ११ अर्ब ६६ करोड रकम दाबिसहित ५५ हजार ४ सय पीडितले दिए उजुरी, ९८ मुद्दा कारवाहीमा
असार २१, २०८१ शुक्रबार
असार २८ गते विश्वासको मत लिन प्रधानमन्त्रीले संसद सचिवालयमा पठाए पत्र
असार २१, २०८१ शुक्रबार
रौतहटमा १ हजार ७०० वटा भारतीय चल्ला सशस्त्र प्रहरीद्वारा बरामद
असार २१, २०८१ शुक्रबार
लिज ट्रस टेरी जेरेमीसँग ६३० मत अन्तरले पराजित
असार २१, २०८१ शुक्रबार