सप्तकोशीमा पानीको बहाव बढ्यो, सतर्क रहन आग्रह

३१ भदौ, काठमाडौं । सुनसरी र सप्तरीमा सप्तकोशी नदीको तटीय क्षेत्रका बासिन्दालाई उच्च सतर्कता अपनाउन बाढी पूर्वानुमान महाशाखाले अनुरोध गरेको छ ।

चतरामा सप्तकोशी नदीको जलसतहले सतर्कता तह पार गरेको र खतरा तह आसपास पुग्न सक्ने संभावना रहेकाले सुनसरी र सप्तरीमा सप्तकोशीको तटीय क्षेत्रमा मंगलबार बेलुकासम्म नै उच्च सतर्कता अपनाउनुपर्ने महाशाखाले जनाएको छ ।

लगातार रुपमा परेको पानीका कारण संखुवासभा जिल्लाका ,अरूण नदी तुर्केघाट बाढी मापन केन्द्रमा जलसतह सतर्कता तह आसपास पुगेको छ । बाढी मापन केनद्का अनुसार नदीमा पानीको बहाव बढ्दो रहेको छ, भने उपल्लो तटिय क्षेत्रमा बर्षा हुने क्रम जारी छ,अरूण नदीको तल्लो तटिय क्षेत्रमा भोली विहान सम्म सामान्य सतर्कता अपनाई राख्न केन्द्रले आग्रह गरेको छ ।

यस्तै आज र भोली कोसी,बागमती,नारायणी,पूर्वी राप्ती, रिउखोला, आरूण,तिनाउ, बाणगंगा, मनहरी, लोथरखोला,लालबकैया लगायत मकबानपुर बारा,पर्सा,चितवन,नवलपरासी,रूपन्देही,कपिलबस्तु, दाङ भई बहने नदीमा बहावले सतर्कता तह पार गर्ने, केहीमा खतरा तह आसपास पुग्न सक्ने भएकाले उच्च सतर्कता अपनाउन केन्द्रले आग्रह गरेको छ ।

यता चितवन जिल्ला माडी क्षेत्रको बनकट्टा,कल्याणपुर र आसपास पछिल्लो ३ घण्टामा भारी वर्षामापन भएको छ,रिउखोलामा जलसतह सतर्कता तह आसपास पुगेको छ र खतरा तह पार गर्ने सम्भावना रहेकोले बेलुका सम्म उच्च सतर्कता अपनाउन बाढी पूर्वानुमान शाखाले अनुरोध गरेको छ ।

हाल नवलपरासी डण्डा स्थित बर्षामापन केन्द्रमा भारी बर्षा मापन भएको छ र थप बर्षा हुने संभावना रहेकाले डण्डा,कावाशोती र आसपासको गिरिउवारी लगायत अन्य स-साना नदी तटीय क्षेत्रमा खतरा तह आसपासको बाढी आउने सम्भावना रहेकाले बेलुका सम्मै सतर्क अपनाउन केन्द्रले आग्रह गरेको छ ।