बिद्यालय बाहिर कुनैपनि बालवालिका रहनु हुदैन : नगर प्रमुख सरावगी

३१, भदौ वीरगन्ज । शिक्षा पाउने अधिकार सबै बालवालिकाको भएकोले बिद्यालयको पहुच बाहिर कुनैपनि बालवालिका रहनु नपर्ने धारण वीरगन्ज महानगरपालिकाका नगर प्रमुख विजय कुमार सरावगीले व्यक्त गरेका छन् ।

वीरगन्ज महानगरपालिका वडा नम्बर १मा रहेको पन्डित रामदेनी तिवारी आधारभुत बिद्यालयमा आयोजित पढाइ मेला कार्यक्रममा बोल्दै नगर प्रमुख सरावगीले यस्तो धारणा व्यक्त गरेका हुन् ।

आजका बालवालिका नै भबिष्यको कर्णाधार भएकोले सबै बालवालिका विद्यालय जानु पर्ने बताउदै उनले प्रारम्भिक पढाइबाट नै बालवालिकाहरुको भबिष्य बलियो हुने भएकोले गुणस्तीयतामा ध्यान पुर्याउन शिक्षक शिक्षिकाहरुलाई अनुरोध गरे ।

कार्यक्रमका बिशिष्ट अतिथि उपप्रमुख सुश्री शान्ति कार्किले विद्यालयको भौतिक संरचना पुरानो भएकोले महानगरपालिकाबाट हुने सहयोग प्रदान गर्न नगर प्रमुखलाई आग्रह गरे ।

उनले शिक्षा र स्वास्थय क्षेत्रबाट महानगवासिलाई प्रदान गरिने सेवालाई महानगरपालिका आउने दिनमा अझ तदारुकताका साथ अगाडि बढने बताए।

कार्यक्रमका प्रमुख अतिथी तथा विशिष्ट अतिथि लगायतका पदाधिकारीहरुद्धारा कक्षा १ देखि ३का विभिन्न क्षेत्रमा उत्कृष्टता प्राप्त गर्ने ३०जना छात्रछात्राहरुलाई पुरस्कार प्रदान गरिएको थियो ।

साथै बिद्यालयलाई विभिन्न समयमा सहयोग गर्ने चन्दादाता एवम शिक्षा प्रेमी राम सर्राफ, वडा अध्यक्ष मनोज कुमार गुप्ता, श्रीकृष्ण कुमार पाण्डे, इब्राहिम देवान, बिजय सहनी र प्रधानाध्यापक चन्देश कुमार चौहानलाई कार्यक्रममा सम्मान गरिएको थियो । बिद्यालय व्यवस्थापन समितीका अध्यक्ष कृष्ण कुमार पान्डेको अध्यक्षतामा सम्पन्न भएको कार्यक्रममा प्रधाना ध्यापक चन्देश कुमार चौहानले स्वागत मन्तब्य व्यक्त गरेका थिए ।