१ असोज, संखुवासभा । संखुवासभाको खाँदबारीबाट दुईजना बिरामी लिएर गएको बोलेरो जिप धर्मदेवी नगरपालिकास्थित अक्करको भीरबाट अरुण नदीमा खस्दा ६ जना बेपत्ता भएका छन् ।

मंगलबार राति ११ बजे को १ ज ३७४९ नम्बरको बोलेरो गाडी दुर्घटना भएको धर्मदेवी नगरपालिकाका प्रमुख रमेशकुमार जिमीले जानकारी दिएकाे प्रहरीले जनाएको छ ।

जिमीका अनुसार गाडी चालक सन्तोष बिकसहित ६ जना बेपत्ता भएका छन् । गाडीमा खाँदबारी–९, का प्रमेश थापामगर, कल्पना थापामगर, दुई महिनाका बालक समिर श्रेष्ठ, उनका बुबाआमा संगम श्रेष्ठ र सदीक्षा श्रेष्ठ बेपत्ता भएका छन् ।

बिरामीको खाँदबारीमा उपचार हुन नसकेपछि थप उपचारका लागि बीपी मेमोरियल स्वास्थ्य विज्ञान प्रतिष्ठान धरान लैजाने क्रममा जिप दुर्घटना भएको हो । लगातारको वर्षाका कारण अरुण नदीमा बाढी आएकाले खोजीकार्य प्रभावित भएको छ ।

याे पनि :

बिरामी बोकेको जीप नदीमा खस्दा एकै परिवारका ६ जना बेपत्ता !