लागुऔषधसहित जुवातास खेल्ने पक्राउ

९ असोज, ललितपुर । महानगरीय प्रहरी परिसर ललितपुरले जुवातास खेल्ने ४ जनालाई पक्राउ गरेको छ । बुधबार साँझ ललितपुर महानगरपालिका ४ नख्खु स्थित चितवनका अर्जुन सापकोटाले संचालन गरेको प्याराडाईज ड्राईभिङ सेन्टरको टहरामा जुवातास खेलिरहेको अबस्थामा अर्जुन सापकोटा सहित ४ जनालाई नगद ५९ हजार ९ सय ७५ रूपैया सहित नियन्त्रणमा लिएको छ ।

लागुऔषध सहित नियन्त्रणमा

यस्तै महानगरीय प्रहरी प्रभाग पुल्चोकबाट खटिएको प्रहरी टोलीले लागुऔषध सहित ५ जनालाई पक्राउ गरेको छ । प्रहरीले बुधबार साँझ साेही समयमै ललितपुर महानगरपालिका-१ कुपण्डोल स्थित आकाशेपुल मुनिबाट त्रिपुरेश्वर बस्ने मकवानपुरका सुमन वि.क., पुलचोक बस्ने काभ्रेका प्रज्वल तामाङ, सिन्धुपाल्चोकका नविन बुढाथोकी , थानकोट बस्ने मकवानपुरका ज्योती क्षेत्री र त्रिपुरेश्वर बस्ने सुनसरीका स्मृती पौडेललाई पक्राउ गरेको छ ।

शंकालागी चेकजाँच गर्दा निजहरुको साथबाट प्रहरीले नाईट्राभेट ४१ ट्याबलेट, पोल्याण्ड ४०० ग्राम, ट्रमा ८६ ट्याबलेट बरामद गरेको छ । घटना सम्बन्धमा प्रहरीले अनुसन्धान गरिरहेको छ ।