सुनको भाउ हिजो घट्यो, आज बढ्यो !

१५ असोज काठमाडौं । सुनको भाउ फेरि बढेको छ । छापावाल सुन बुधबार ६०० रुपैयाँले बढेर ६९ हजार ८०० रुपैयाँ पुगेको छ ।

यस्तै, तेजाबी सुन पनि प्रतितोला ६०० सय रुपैयाँले नै बढेर ६९ हजार ५०० रुपैयाँमा कारोबार भएको नेपाल सुन चाँदी व्यावसायी महासंघले जानकारी दिएको छ ।

चाँदीको मूल्य पनि १० रुपैयाँले बढेर तोलाको ८३५ रुपैयाँ कायम भएको छ । चाडपर्वको समयमा सुन चाँदीको माग बढ्ने गर्छ । तर यसपटक मूल्यमा निकै उतारचढाव आइरहेकाले खरिदकर्ताहरु अन्यालमा परेका छन् ।

केही समयअघि बेस्सरी चुलिएको सुनको भाउ विस्तारै सुस्त भएको हो । तर पछिल्ला दिनहरुमा फेरि उतारचढाव देखिएको छ ।