१९ असोज, काठमाडौं । जबरजस्ती करणीको अभियोगमा पक्राउ परेका निवर्तमान सभामुख कृष्णबहादुर महरालाई सिंहदरवार बृतमा राखिएको छ । महरालाई बालुवाटारस्थित सभामुखको सरकारी निवासबाट पक्राउ गरिएको हो ।

प्रहरी स्रोतका अनुसार महराले प्रहरीको गाडीमा जान अस्वीकार गरेका थिए । महराको भनाइ उद्धृत गर्दै एक प्रहरी अधिकारीले भने, “म आफ्नै गाडीमा जान्छु । प्रहरीको अनुसन्धानलाई सघाउँछु । मेरै गाडीमा प्रहरीलाई पनि बसाउनुस् ।”

कृष्णबहादुर महरा सरकारी निवासबाटै पक्राउ !

महराको प्रस्तावलाई प्रहरीले स्वीकार गरेको थियो । सिंहदरबार वृत्तमा राखिने महरालाई परिसर काठमाडौंले मुद्दा प्रक्रियामा अगाडि लैजानेछ । महरालाई पक्राउ गर्न प्रहरी परिसर काठमाडौं, अपराध महाशाखा र वृत्त बानेश्वरको टोली निवासमा पुगेको थियो ।

कृष्णबहादुर महराविरुद्ध पक्राउ पुर्जि जारी