पिङमा यसरी मच्चिए रिजाल [हेर्नुस भिडियोसहित]

१९ असोज, काठमाडौं । यति बेला गाउँघरदेखि शहर बजारसम्म दशैँको माहोलले जताततै रमाइलो छाएको छ । दशैँको अवसरमा गाउँमा लिंगो गाँडेर पिङ राख्न थालेपछि दसैं आएको संकेत हुन्छ ।

पछिल्लो समय दसैं–तिहार सम्मै रौनक बढाउने लिङेपिङ विस्तारै हराउदै गएको छ । अहिले गाउँघरमा फाट्टफुट्ट मात्र देख्न पाइन्छ । दशैँको अवसरमा मात्र देखिने यो पिङमा नेपाल बहस डटकमका प्रधान सम्पादक इन्द्र रिजालले दशैँमा पिङ खेलियो भन्दै सामाजिक सञ्जाल फेसबुकमा पोस्ट गरेका छन् ।

अहिले लोप हुने अवस्थामा पुगेको यो पिङ दसैंको घटस्थापनादेखि नै गाउँ टोलमा हालेर बालबालिका देखि ठुलासम्मले खेल्ने गरिन्छ तर आज भोलि निक्कै कम भएको छ ।

रिजाल भन्छन्, पहिला मौलिक बाजाका गित घन्किएको, चंगा उडाएको र लिंगेपिङ मच्चिएको देख्नासाथ दसैं आएको रौनक हुन्थ्यो । गाउँ  गाउँमा बासको लिंगो गाडेर पिङ राख्न थालेपछि दसैं, तिहार आएको संकेत हुन्छ । तर अहिले यो पिङ कम मात्रामा देख्न पाइन्छ अनि खेलिन्छ ।

उनी पिङमा मच्चिए आनन्द लिएपछि भन्छन्, यो एउटा शुभकामना साटासाट गर्ने संगम पनि हो । पिङ खेल्दा हुने आनन्द अविस्मरणीय हुन्छ आज मलाई त्यसरी पिङ खेल्दा बाल्यकालको याद आयो । यस्तो सस्कृति जोगाउनु पर्छ ।