४४ वर्षदेखि निरन्तर कुस्ती प्रतियोगिता, खेलप्रति युवाको रुची बढ्दै
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असोज २३, २०७६ शुक्रबार ३:३६:२१
![](https://nepalbahas.prixacdn.net/media/albums/Kusti_BgTt8Vj3pW.jpg)
२३ असोज, परासी : तराई क्षेत्रको संस्कृतिसँग जोडिएको लोपोन्मुख कुस्ती (दङ्गल) खेलप्रति पछिल्लो समय युवाको मोह बढ्दै गएको छ । विगतमा निकै लोकप्रिय मानिने यो खेलप्रति युवाकै चासो नहुनु तथा नयाँनयाँ खेलका कारण यसप्रतिको मोह घटेको थियो । कुस्ती भनेपछि अहिले जो कोही पनि हुरुक्कै हुने गर्दछन् । दशैँ, तिहारजस्ता चाडपर्वमा तराईमा लाग्ने मेलापर्व र महोत्सवमा कुस्ती नै प्रमुख आकर्षणका रुपमा रहने गरेको छ ।
विभिन्न चाडपर्वको अवसर पारेर पश्चिम नवलपरासीमा कुस्ती प्रतियोगिताले निरन्तरता पाउन थालेपछि यसप्रतिको मोह बढ्दै गएको छ । अहिले यहाँका युवा नै कुस्ती खेल संरक्षणमा क्रियाशील छन् । मनोरञ्जनसँगै शारीरिक र मानसिक तन्दुरुस्तीका लागि कुस्ती खेल निकै उपयोगी मानिन्छ ।
कुस्ती संरक्षण र खेलाडी उत्पादन गर्न भन्दै पश्चिम नवलपरासीको परासीका युवाको सक्रियतामा विगत ४४ वर्षदेखि विराट कुस्ती प्रतियोगिता सञ्चालन हुँदै आएको छ । लोप हुन लागेको यो खेलको संरक्षण पनि हुने र यसप्रति पछिल्लो पुस्ताको आकर्षण पनि बढाउँदै खेलाडी उत्पादनका लागि ४४ वर्षदेखि निरन्तर कुस्ती प्रतियोगिता सञ्चालन गर्दै आएको रामग्राम नगरपालिका–२ का वडाध्यक्ष चन्द्रीका अग्रहरि बताउँछन् ।
यहाँको राधाकृष्ण कालिका एवं सङ्कटमोचन हनुमान मन्दिर व्यवस्थापन संस्था तथा दुर्गा पूजा समितिको आयोजनामा प्रत्येक वर्ष असोज शुक्ल एकादशीको दिन आयोजना गर्ने विराट मेलाको प्रमुख आकर्षण नै कुस्ती हुने गर्दछ । नेपाल र भारतका पहलमानले माटोको मञ्चमा अल्झिएर खेल्ने यो खेल हेर्न लाखौँ सर्वसाधारणको घुइँचो लाग्ने गर्दछ । दर्शकले निकै चाख लिएर यो खेल हेर्ने गरेका छन् ।
“कुस्ती संरक्षण गर्नु नै हाम्रो मुख्य उद्देश्य हो, यसलाई हामी लोप हुन दिदैनाँै, निरन्तर हाम्रो प्रयास जारी रहनेछ”, समितिका अध्यक्षसमेत रहनुभएका वडाध्यक्ष अग्रहरिले भने । प्रत्येक वर्ष नै आयोजना हुने यो प्रतियोगिताबाट स्थानीयस्तरमै कुस्ती खेलाडी उत्पादन भइरहेका छन् भने पुराना खेलाडीको हौसला बढेको विगत ४४ वर्षदेखि नै कुस्तीको प्रशिक्षकका रुपमा रहनुभएका रामवृक्ष यादवले बताए ।
“यो खेल हाम्रो मधेशको संस्कृतिसँग जोडिएको छ, तराईको गहना नै हो, यसलाई पर्वमा मात्र सीमित गर्नु हँुदैन”, उनले भने । अहिले तीन तहका सरकार रहेको अवस्थामा अन्य खेललाई जस्तै कुस्ती खेल र खेलाडीको विकासमा ध्यान दिनुपर्ने उद्योग वाणिज्य सङ्घ नवलपरासीका अध्यक्ष केशव भण्डारी विचार राख्छन् ।
यसैबीच यस वर्ष पनि बुधबार नेपाल र भारतका राष्ट्रियस्तरका पहलमानहरुको सहभागितामा परासीमा सञ्चालन गरिएको विराट दङ्गल प्रतियोगिताको उपाधि भारतले जितेको छ । भारतका पहलमान अनिल शहानी र नगेन्द्र यादवले फाइनल खेलमा बराबरीमा रोकिएपछि दुवै जनाले उपाधि बाँडेका हुन् । ४० पहलमानले प्रतियोगितामा सहभागिता जनाएका थिए । प्रतियोगिताको एक लाख बढी दर्शकले अवलोकन गरेको आयोजकले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअस्ट्रेलिया विश्वकपबाट बाहिरिएपछि डेभिड वार्नरले लिए सन्यास
असार १२, २०८१ बुधबार
युरोकप : नेदरल्याण्डसलाई हराउँदै अस्ट्रिया नक आउट चरणमा
असार १२, २०८१ बुधबार
युरोकप: समुह 'सी' बाट इङल्याण्ड, डेनमार्क र स्लोभेनिया नकआउट चरणमा
असार १२, २०८१ बुधबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अष्ट्रेलियालाई २१ रनले पराजित गरेपछि कप्तान राशिद खानले के भने ?
नेपालबहस संवाददाता
असार ९, २०८१ आइतबार
टेलिकमको बिलिङ प्रणालीमा अर्ब बढी हिनामिना आरोपमा मुद्दा चलाउने अख्तियारको तयारी
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
असार ११, २०८१ मंगलबार
टोली सेमिफाइनलमा पुग्नेबित्तिकै अफगानिस्तानका सडकमा ट्राफिक जाम
असार ११, २०८१ मंगलबार
भारतको लोकसभाको सभामुखमा ओम बिरला निर्वाचित
असार १२, २०८१ बुधबार
झापामा ११ महिनामा ५१ हजार चालकलाई कारबाही
असार १२, २०८१ बुधबार
सशस्त्र प्रहरीका एसपी र डीएसपी सरुवामा गृहमन्त्रीको मनलाग्दी
असार १२, २०८१ बुधबार
अविरल वर्षाले पोखरामा सडक भासिँदा आवागमनमा समस्या
असार १२, २०८१ बुधबार
नौ महिनादेखि तलब नपाएको कैलालीका स्वास्थ्यकर्मीको गुनासो
असार १२, २०८१ बुधबार
राष्ट्रपति पौडेलसँग चीनका उपविदेशमन्त्री वेइतोङको शिष्टाचार भेट
असार १२, २०८१ बुधबार