प्रहरी बुलेटिन : जुवातास खेल्ने ४ जना पक्राउ

२८ असोज काठमाडौं । महानगरीय प्रहरी प्रभाग कपनबाट खटिएको प्रहरी टोलीले जुवातास खेल्ने ४ जनालाई नगद ७१ हजार ५ सय रूपैया सहित नियन्त्रणमा लिएको छ ।

प्रहरीले काठमाण्डौ महानगरपालिका-६ कपनमा स्थित एक घरमा जुवातास खेलिरहेको अबस्थामा काडाँघारी बस्ने ओखलढुङगा मानेभञ्जाङ गाँउपालिका-४ का ईन्द्र थापा सहित ४ जनलाई नगद ७१ हजार ५ सय रूपैया सहित नियन्त्रणमा लिएको छ । घटना सम्बन्धमा प्रहरीले अनुसन्धान गरिरहेको छ ।

२० ओखर खेल्ने मानिस नियन्त्रणमा 

महानगरीय प्रहरी वृत बौद्धले ओखर खेलिरहेको अबस्थामा ५ जनालाई नगद १ लाख ८९ हजार ८ सय २० रूपैया सहित नियन्त्रणमा लिएको छ ।

प्रहरीले यही २७ गते  काठमाण्डौ महानगरपालिका ६ बौद्धमा ओखर खेलिरहेको अबस्थामा मुलपानी बस्ने डम्बर गुरूङ सहित ५ जनालाई नगद १ लाख ८९ हजार ८ सय २० रूपैया सहित नियन्त्रणमा लिएको छ । घटना सम्बन्धमा प्रहरीले अनुसन्धान गरिरहेको छ ।

 लागुऔषध सहित मानिस नियन्त्रणमा ।

महानगरीय प्रहरी प्रभाग नागढुङगाले लागुऔषध सहित १ जनालाई नियन्त्रणमा लिएको छ । प्रहरीले आज बिहान ०८ : ३० बजे विरगंजबाट काठमाण्डौ आउँदै गरेको ना.५ ख.६५३९ नम्बरको यात्रुवहाक सवारी साधनलाई चेकजाँच गर्दा भक्तपुर बस्ने पर्साका विवेक चौधरीको साथबाट लागुऔषध नाईट्राभेट २८ ट्याबलेट बरामद गरेको छ ।

घटना सम्बन्धमा प्रहरीले अनुसन्धान गरिरहेको महानगरीय प्रहरी कार्यालयको प्रवक्ता प्रहरी वरिष्ठ उपरीक्षक किरण बज्राचार्यले बताए ।