डा. केसी फेरि आन्दोलनमा

८ कार्तिक, काठमाडौं । चर्चित सत्याग्रही डा. गोविन्द केसी तिहार लगत्तै नयाँ चरणको आन्दोलनमा जाने भएका छन् । मेडिकल माफियाविरुद्ध विगत लामो समयदेखि आन्दोलनरत डा. केसी अर्काे चरणको आमरण अनसनमा बस्ने तयारीमा लागेका छन् ।

कार्तिक १८ गतेसम्म आफ्नो माग पूरा नभए फेरि नयाँ चरणको सत्याग्रह थाल्ने जानकारी डा. केसीले चेतावनी दिएका छन् । डा. केसी गत साता त्रिभुवन विश्वविद्यालय शिक्षण अस्पतालबाट सरकारी सेवाबाट निवृत्त भइसकेका छन् ।

त्रिभुवन विश्वविद्यालयको उपकुलपतिमा हालै गरिएको तीन जनाको नाम सिफारिश प्रकृया तत्काल संशोधन गर्नुपर्ने प्रमुख माग डा. केसीको रहेको छ ।