प्रधानमन्त्री ओली स्वास्थ्य जाँच गरी बालुवाटार फिर्ता

१७ कार्तिक, काठमाडौं । प्रधानमन्त्री खड्गप्रसाद ओलीकाे मृगौलाले रगत सफा नगरेपछि आज तेस्रो पटक डाइलोसिस गर्न धापासीस्थित ग्राण्डी अन्तराष्ट्रिय अस्पताल पुगेका थिए । तर प्रारम्भिक स्वास्थ्य जाँचपछि उनको डाइलोसिस आज नहुने भएको छ ।

भर्खरै मात्र उनी ग्राण्डी अस्पतालबाट स्वास्थ्य परिक्षण सकेर बालुवाटर फर्किएका छन् । प्रधानमन्त्री ओलीले आज ११ बजेका लागि वालुवाटारस्थित सरकारी निवासमा मन्त्रिपरिषद वैठक राखेका थिए ।

तर उनी एक्कासी अस्पतालतिर लागे । ग्राण्डी अस्पताल पुग्नुअघि प्रधानमन्त्री ओली महाराजगञ्जस्थित शिक्षण अस्पताल पुगेका थिए । शिक्षण अस्पतालमा ओलीकाे रगत परीक्षण र एक्सरे गरिएको छ। बुधबार र बिहीबार मिर्गौला डायलासिस गरेका प्रधानमन्त्री ओलीले फोक्सोमा जम्मा भएको पानीको अवस्थाबारे बुझ्न आइतबार बिहान शिक्षण अस्पतालमा एक्सरे गरेका हुन्।

त्यसलगत्तै ग्राण्डी अस्पताल पुगेका ओलीको त्यहाँ भर्ना हुने अनुमान गरिएको थियो । आजै उनको डाइलोसिस गरी बेलुका डिस्चार्ज गर्ने तयारी अस्पतालले गरेको स्रोतको दावी छ ।

अब साताको तीन पटकसम्म नियमित रुपमा डाइलोसिस गर्नेपर्ने चिकित्सकको राय छ । त्यसैले सरकारी निवासमै यस्तो मेसिन फिट गर्ने तयारी भइरहेको बताइन्छ ।