मेडिकल काउन्सिलमा डा. कोइराला

१७ कात्तिक,काठमाडौं । वरिष्ठ मुटुरोग विशेषज्ञ डा. भगवान कोइराला नेपाल मेडिकल काउन्सिलको अध्यक्षमा नियुक्त भएका छन् ।

प्रधानमन्त्रीको सरकारी निवास बालुवाटारमा आज बसेको मन्त्रिपरिषद बैठकले डा. कोइरालालाई अध्यक्षमा नियुक्त गरेको हो ।

यसअघि डा. कोइराला त्रिभुवन विश्वविद्यालय शिक्षण अस्पतालका कार्यकारी निर्देशक थिए । साथै शहिद गंगालाल हृदय रोग अस्पतालमा पनि उनी लामो समय निर्देशकका रुपमा कार्यरत थिए ।

सरकारले उनी लगायत तीन जनालाई त्रिभुवन विश्वविद्यालयको रिक्त उपकुलपतिमा समेत सिफारिश गरेको थियो ।