नेकपा भक्तपुरको विवादले पार्टीभित्र खैलाबैला

१९ कार्तिक, काठमाडौं । नजिकिएको उपनिर्वाचनको विवादलाई लिएर भक्तपुर क्षेत्र नम्बर १ (क) मा नेपाल कम्युनिष्ट पार्टी (नेकपा)का कार्यकताबीच नै झडप भएको छ । उपनिर्वाचनमा पूर्वमाओवादीलाई टिकट दिइएको विरोधमा पूर्वएमाले नेता–कार्यकर्ताले भक्तपुर जिल्ला पार्टी कार्यालयमा सोमबार तालाबन्दी गरेपछि पार्टीभित्र विवाद चुलिएको छ भने पार्टीका पहिलो नम्बरका नेताहरुलाई समेत तनाव वढेको छ ।

भक्तपुर क्षेत्र नम्बर १ (क) मा नेकपा सचिवालयले देवीप्रसाद ढकाललाई उम्मेदवार बनाउने निर्णय गरेको थियो । यो निर्णय फिर्ता लिनुपर्ने माग गर्दै असन्तुष्ट पूर्वएमालेका नेता–कार्यकर्ताले कार्यालयको मूलढोकामै ताला लगाइदिएका छन् ।

पार्टी एकता भएको लामो समय बितेपनि नेकपामा मुलनेतृत्वबाट नै गुट संचालनमा छ भन्ने उदाहरण भक्तपुरले देखाइदिएको छ । पार्टी एकीकरण पछि अध्यक्ष द्वय खड्गप्रसाद ओली र पुष्पकमल दाहालले मुखले जतिनै पार्टी एक भयो भने पनि स्थानीय तहमा पूर्वएमाले र पूर्वमाओवादीबीच मिलाप भने हुन सकेको छैन । अहिलेको यो विवाद र मारपिटले पाटीभित्र दबेर रहेको विवादलाई झनै उजागर गरिदिएको छ ।

र याे पनि ….कास्की–२ मा नेकपाबाट भट्टराई, दाङबाट ओली र भक्तपुरबाट ढकाल उम्मेदवार