पोखरामा निर्वाचन कार्यालय नजिकै बम विस्फोट

२१ कार्तिक,पोखरा । उपनिर्वाचनमा आज उम्मेदवारी दर्ता गर्न लाग्दा कास्कीको मुख्य निर्वाचन अधिकृतको कार्यालय नजिकै बम विस्फोट भएको छ । जिल्ला प्रहरी कार्यलयका कास्की डिएसपी राजकुमार केसीले बम विस्फोट भएको पुष्टि गरेका छन् ।

पोखरास्थित निर्वाचन कार्यालय र लोकसेवा आयोगको बीचमा पर्ने सडकमा ठूलो आवाजसहित विस्फोट भएको हो । विस्फोटपछि पोखराको जनजीवन त्रसित बनेको छ । तराई मधेशमा निर्वाचनका बेला बम बिस्फोटका घटना हुने गरेपनि पर्यटकीय नगरी पोखरामा बम बिस्फोट हुनुलाई आश्र्चय मानिएको छ र पोखराको सुरक्षा व्यवस्थामाथि प्रश्न उठेको छ ।

यद्दपि बम बिस्फोट निर्वाचन बहिस्कार गर्दै आएको नेत्रबिक्रम चन्दको पार्टी नेकपाले गराएको हुनसक्ने अनुमान प्रहरीले गरेको छ । विप्लव नेतृत्वको सो पार्टीलाई सरकारले प्रतिबन्ध लगाएको छ । प्रहरीले थप अनुसन्धान गर्दै रहेको बताईएको छ ।