दश करोड बराबरको अम्ब्रीसाको कुचो बिक्री

मिना कंडेल

२१ कार्तिक, नवलपुर । पूर्वी नवलपरासीको पहाडी भेगका कृषकले अम्ब्रीसोको कुचो बिक्री गरि राम्रो आम्दानी गर्न सफल भएका छन् । बुलिगंटार, बौंदीकाली, हुप्सेकोट गाउँपालिकाबाट मात्र दश करोडको अम्ब्रीसोको कुचो बिक्री भएको छ ।

यस क्षेत्रका आठ सय ५० घर परिवार अम्ब्रीसोको खेतिमा आश्रित रहेका छन् । उनीहरुले यो बर्ष चार लाख देखि १० लाखसम्म अम्ब्रीसो बेचेर आम्दानी गरेको बुलिङटार गाउँपालिकाका किसान यमबहादुर दर्लामी मगरले बताए ।

हुप्सेकोट, बुलिगंटार, बौंदीकाली गाउँपालिकाका भीर पाखा र नागाँ डाडाँमा दुई–दुई बर्षमा अम्ब्रीसो लगाएर यहाँका आठ सय ५० घर परिवारले अम्ब्रीसोेको कुचो बनाएर सबै भन्दा राम्रे आम्दानी गर्ने गरेका बुलिगंटार गाउँपालिकाका अध्यक्ष शसिकिरण बस्ताकोटीले बताए ।

सात बर्ष अघि सडक पुगेको बौदीकाली गाउँपालिकाको नरम, कुवाकोट, रुचाङ, रकुवा, मिथुकरम जस्ता गाउँहरुमा यहाँका जनताले गाडीमा लोड गरेर कुचो बिक्री गर्न मधेश झर्ने गरेका र कुचो बिक्रीबाट राम्रो आम्दानी लिन सफल भएका बौंदकिाली गाउँपालिकाका अध्यक्ष दुर्गाबहादुर राना मगरले बताए ।

हुप्सेकोट गाउँपालिका अध्यक्ष लक्ष्मी पाण्डेले यो बर्ष हुप्सेकोट गाउँपालिकाले बजेटमा नै कृषिमा ठुलो रकम बिनियोजन गरेर कृषकलाई कृषि पेशा तर्फ दीर्घकालिन रुपमा नै संल्गन बनाउन आगामी बर्षदेखि अम्ब्रीसोे, अदुवा जस्ता खेती गर्ने किसान अझ बढि आर्कर्षित हुने बताएकी छिन् ।

दश बर्ष अगाडिसम्म जंगल फाँडेर खोरिया बनाएर मकै रोप्ने गरेका हुप्सेकोट गाउँपालिकाको वडा नं २, ५ र ६ का पहाडी क्षेत्रका बासिन्दाले अहिले खोरिया फडाँनी गर्न छाडेर नाँगा डाडाँमा अम्ब्रीसोे लगाएर जिल्ला भरि नै राम्रो आम्दानी लिने कृषकमा गनिने थालेका गाउँपालिकाका अध्यक्ष पाण्डेले बताइन ।

अम्ब्रीसो लगाएको दुई बर्षसम्म गोडमेल गर्नु पर्ने र मात्र काटेर कुचो बनाउन सकिने कृषकहरुले बताए । यो प्रत्येक दुई–दुई बर्षमा काटन् सकिने भएकाले पनि बर्षेनी फरक–फरक ठाउँमा यो खेती गरेर आम्दानी लिने गरेको कृषकले बताए ।