ओलीको बढ्दो सक्रियताको राज के हो ?
नेपालबहस संवाददाता
कात्तिक २६, २०७६ मंगलबार २२:४८:५
२६ कार्तिक, काठमाडौं । रोगले जति चाप्दै लगेको छ, प्रधानमन्त्री खड्गप्रसाद ओली त्यति नै सक्रिय हुन थालेका छन् । आम नागरिकमा आखिर बिमारी शरीर लिएर किन सक्रिय राजनीति गर्दै छन् त ओली ? भन्ने प्रश्न उठ्नु स्वभाविक पनि हो । गएको साता उनको पुरानो बिमार बल्झेर मृगौलाको डायलिस थालियो, उनको राजनीतिक सक्रियता पनि झनै बढ्न सुरु भयो ।
जति बिमार बढ्छ, उत्तिनै काम गर्ने जोश जाँगर र हौसला बुलन्द हुन थालेको छ, ओलीको । ओलीको यो सक्रियतालाई धेरैले अनौठो मानेका छन् । चिकित्सक पनि ओलीले पूर्ण रुपमा आराम गर्नुपर्ने बताउँछन्, तर उनको राजनीतिक सक्रियता भने उत्कर्षमा पुगेको हुन्छ ।
आफूले राजनीतिक रुपमा विश्राम लिनु अघि उनी बलियो उत्तराधिकारीको टिम तयार गर्न चाहन्छन्, त्यसैले शंकर पोखरेललाई प्रदेशबाट केन्द्रीय तहको राजनीतिमा तान्ने तयारी गरिएको हुनसक्छ । यतिले मात्रै ओलीको काम गर्ने हुटहुटी घटेको छैन ।
संभवतः ओली आफ्नो राजनीतिक उत्तराधिकारीलाई स्थापित गर्न यसरी जोशिएका होलान् :– राजनीतिक विश्लेषक डा. सुरेन्द्र केसी भन्छन् । म आफैं पनि मृगौलाको रोगी हुँ, मलाई थाहा छ रोगले च्यापेपछि आराम गर्नुपर्छ, तर ओलीमा उल्टो स्वभाव देखिएको छ : केसी भन्छन् ।
यो सक्रियता भनेको राजनीतिक उत्तराधिकारीकै लागि हुनुपर्छ :– उनी भन्छन् । सायद सबै काम टुंग्याएर ओली निबृत्त हुन चाहन्छन् । त्यसैले उनी रोगले गाँज्दै गर्दा आप्mनो सहयोगी समूहमै आमूल परिवर्तन गर्न चाहन्छन् ।
त्यसैले आफ्नो सचिवालयका सदस्यहरुलाई मार्ग प्रशस्त गर्न भनिसकेका छन् । प्रमुख राजनीतिक सल्लाहकार विष्णु रिमालमार्फत ओलीले आफ्नो सन्देश प्रवाहित गरेका थिए । अरुले राजीनामा दिइसक्दा पनि रिमाल भने छाड्न तयार छैनन् ।
प्रधानमन्त्री चाहिं रिमालको ठाउँमा ५ नं प्रदेशका मुख्यमन्त्री शंकर पोखरेललाई उक्त जिम्मेवारी दिन चाहन्छन् :– स्रोत भन्छ । रिमाललाई भने रिक्त हुन लागेको अमेरिकाको लागि राजदूत बनाउन चाहन्छन् ओली ।
आफूले राजनीतिक रुपमा विश्राम लिनु अघि उनी बलियो उत्तराधिकारीको टिम तयार गर्न चाहन्छन्, त्यसैले शंकर पोखरेललाई प्रदेशबाट केन्द्रीय तहको राजनीतिमा तान्ने तयारी गरिएको हुनसक्छ । यतिले मात्रै ओलीको काम गर्ने हुटहुटी घटेको छैन ।
वामदेव र विष्णु पौडेललाई ओलीले अघि बढाउँदा प्रचण्डको तर्फबाट खासै आपत्ति नभए पनि माधव नेपालको पक्षबाट भने सहज नहुन सक्ने बुझाई छ ।
उनी विगत २० महिना अघि गठन भएका मन्त्रिमण्डलमै व्यापक फेरबदल गर्न तम्सिएका छन् । यसको गृहकार्य उनले लगभग पूरा गरिसकेका छन् । उनी आफ्नो मन्त्रिमण्डलबाट झण्डै १० जनालाई गलहत्याउन चाहन्छन् ।
यसबारे उनले आफ्ना निकट सहयोगी र अर्का अध्यक्ष पुष्पकमल दाहाल ‘प्रचण्ड’लाई जानकारी गराइ सकेका छन् । स्रोत भन्छ, प्रधानमन्त्री ओली अहिले पूर्वमाओवादीका तर्फबाट मन्त्री भएका ४ र पूर्व एमाले तर्फबाट बनाइएका ६ जनालाई विदा गर्न चाहन्छन् ।
हिजो बसेको सचिवालय बैठकमै यसबारे छलफल गरेर आजै मन्त्रिमण्डल पुनर्गठन गर्ने उनको तयारी थियो । तर आज मंगलबार बंगलादेशका राष्ट्रपति चार दिवसीय औपचारिक भ्रमणमा आउने भएकाले अहिलेलाई धकेलिएको छ ।
तर आगामी हप्तासम्म मन्त्रिमण्डलमा फेरबदल भइसक्ने स्रोतको दावी छ । प्रधानमन्त्री ओली वामदेव गौतमलाई उपप्रधानमन्त्री बनाएर राजनीतिक सक्रियता कम गर्न चाहन्छन् । यसका लागि ओलीले वामदेवलाई आगामी फागुनमा रिक्त हुने राष्ट्रियसभामा मनोनित गर्ने तयारी गरेको स्रोत बताउँछ । तर मन्त्रिमण्डल फेरबदलमा वामदेव पर्ने संभावना स्रोतले औंल्याएको छ ।
संविधान अनुसार, मन्त्री भएको व्यक्ति ६ महिना भित्र सांसद भैसक्नुपर्ने छ । वामदेवलाई बिना विभागीय उपप्रधानमन्त्री बनाएर प्रधानमन्त्रीको सचिवालय जिम्मा लगाउने उनको योजना रहेको छ । यसबारे उनले अर्का अध्यक्ष पुष्पकमल दाहाल प्रचण्डलाई समेत राजी गराएका छन् ।
तर वामदेवपछि भने महासचिव विष्णु पौडेललाई स्थापित गर्न ओली लालयित देखिएका छन् । यसबारे ओलीले वामदेवसँग छलफल गरेको स्रोत बताउँछ ।
त्यसैले संभवतः पौडेललाई अर्थमन्त्री बनाउने ओलीको चाहना रहेको स्रोतको भनाई छ । किनभने वामदेव त्यति भरपर्दा नेता नभएको ओलीको ठहर छ । त्यसैले सुरुमा वामदेवलाई उपप्रधानमन्त्री बनाउने र पछि विष्णु पौडेललाई स्थापित गर्ने ओलीको रणनीति रहेको जानकारहरु बताउँछन् ।
यसो गर्दा पार्टी भित्र राम्रै कसरत गर्नु पर्ने हुन्छ । वामदेव र विष्णु पौडेललाई ओलीले अघि बढाउँदा प्रचण्डको तर्फबाट खासै आपत्ति नभए पनि माधव नेपालको पक्षबाट भने सहज नहुन सक्ने बुझाई छ ।
त्यसैले मन्त्रिमण्डल पुनर्गठन गर्दा माधव नेपालका सम्धी समेत रहेका नेता सोमप्रसाद पाण्डेलाई समेत समेट्ने तयारी भइरहेको बताइन्छ । यसबारे ओलीले माधव नेपालसँग खासै छलफल गरी सकेका छैनन् ।
पार्टी भित्रको सन्तुलन मिलाउन भने उनलाई हम्मे–हम्मे नै पर्ने देखिन्छ । झलनाथ खनाललाई कसरी व्यवस्थापन गर्ने ? योे विषय पनि पेचिलो छ । साथै, राष्ट्रपति विद्यादेवी भण्डारीको पनि कोटा मिलाउनुपर्ने वाध्यता प्रधानमन्त्रीका सामु छ ।
नेपाल पनि सानोतिनो प्राप्तिमै रमाउने नेताको पहिचान बनाउने मध्येका भएकाले जे पनि हुन सक्ने स्रोतको भनाई छ । यस्तै अब हुने नयाँ मन्त्रीमा ओलीले आफ्ना प्रखर आलोचक मध्येका घनश्याम भुषाललाई समेत समेट्न सक्ने संभावना औंल्याइएको छ । साथै भर्खरै पर्यटन मन्त्रीको जिम्मेवारी दिएका योगेश भट्टराईलाई समेत यथावत राख्ने उनको रणनीति रहेको छ ।
यसले माधव नेपाल पक्षलाई समेत समेटेको सन्देश जाने उनको बुझाई छ । तर ओली निकट केही नेता भने यस्तो नगर्न सल्लाह दिंदै छन् । स्रोत भन्छ :– यसपाली चाहिं ओली आफ्नै ब्रम्हले देखेको मात्रै गर्ने सोचमा रहेका छन् ।
प्रचण्डको साथ लिएर उनी चमत्कार गर्ने दाउमा छन् । तर पार्टी भित्रको सन्तुलन मिलाउन भने उनलाई हम्मे–हम्मे नै पर्ने देखिन्छ । झलनाथ खनाललाई कसरी व्यवस्थापन गर्ने ? योे विषय पनि पेचिलो छ । साथै, राष्ट्रपति विद्यादेवी भण्डारीको पनि कोटा मिलाउनुपर्ने वाध्यता प्रधानमन्त्रीका सामु छ । यस्ता बग्रेल्ती समस्याका बीच ओली भने अन्तिम कसरतमा जुटेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराज्यसंयन्त्रमा कमजोरीः प्रधानमन्त्रीले तीन मन्त्री र मुख्यसचिवसँग किन गरे छलफल ?
असोज १८, २०८१ शुक्रबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
असोज १८, २०८१ शुक्रबार
अख्तियारले दोहोर्याएर किन छापा हान्यो ‘क्यान’मा ?
असोज १६, २०८१ बुधबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
नेपालबहस संवाददाता
असोज १८, २०८१ शुक्रबार
टि–ट्वान्टी सिरिजमा नेपालले ओमानलाई हरायो
नेपालबहस संवाददाता
असोज १७, २०८१ बिहिबार
अख्तियारले दोहोर्याएर किन छापा हान्यो ‘क्यान’मा ?
नेपालबहस संवाददाता
असोज १६, २०८१ बुधबार
रवि लामिछानेविरुद्ध मुग्लिनमा सहकारी पिडितले देखाए कालोझण्डा !
असोज १८, २०८१ शुक्रबार
यी हुन् सरकारले विपद् सङ्कटग्रस्त क्षेत्र घोषणा गरेका ४१ स्थानीय तह
असोज १९, २०८१ शनिबार
इजरायलले इरानको तेल केन्द्रमा निशाना बनाए कस्तो असर पर्छ ?
असोज १९, २०८१ शनिबार
मन्त्रालयले भन्यो :- विपद्पश्चात् सङ्क्रमणजन्य रोग फैलिएको सूचना आएको छैन
असोज १९, २०८१ शनिबार
बोलेरो जीप दुर्घटना हुँदा दुई जनाको घटनास्थलमै मृत्यु
असोज १९, २०८१ शनिबार
अब हुने सबै चुनावमा माओवादी केन्द्र एक्लै प्रतिष्पर्धामा जान्छ : प्रचण्ड
असोज १९, २०८१ शनिबार
क्याबिन क्रुको आन्दोलन फिर्ता, आजैबाट काममा फर्कने
असोज १९, २०८१ शनिबार
बागमतीका मुख्यमन्त्री र मन्त्रीहरुले बाढी प्रभावितलाई १५ दिनको तलव सहयोग गर्ने
असोज १९, २०८१ शनिबार
पर्यटनमन्त्री र आन्दोलनरत क्याविन क्रुबीचको वार्ता सकारात्मक
असोज १९, २०८१ शनिबार