लगानीकर्ताको मनोबल वृद्धि गर्दै बन्द भयो बजार, अरु के भयो ?

९ मंसिर, काठमाडाैं । आज नेप्से परिसूचक हिजाेकै बिन्दुमा बन्द भएको छ। आज बजार बन्द हुँदा कुनै प्रकारको परिवर्तन देखिएन । आज नेप्से परिसूचक १११० दशमलव ०८ को बिन्दुमा बन्द भएको हाे । बजार इण्ट्राडेमा  ११०२ को बिन्दु पुगेकोमा बजार बन्द हुँदा हिजाेकै बिन्दुबाट नघट्नुलाई सकारात्मक प्रवृत्तिको रुपमा लिन सकिन्छ ।

विभिन्न समयमा नेप्से परिसूचक :

आज बजार २ बजेर ५२ मिनेटमा सबै भन्दा धरैले बढेर १११२ दशमलव १५ को बिन्दुमा पुगेको थियो भने १ बजेर १५ मिनेटमा सबै भन्दा न्यून ११०२ दशमलव ४७ को बिन्दुमा पुगेको थियो । आज बजारको अन्तिम समयमा खरिदकर्ताको उपस्थित बाक्लाे थियो । बजारले ११०० को बिन्दुबाट फर्केकाले ११०० को क्षेत्रमा बलियो टेवा बन्न पुगेको छ ।

हेरौं आज सर्वाधिक कारोवार हुने कम्पनीहरु :
आज नेपाल इन्भेस्टमेन्ट बैंकको सस्थापक शेयर सर्वाधिक ३ करोड ६१ लाखको किनबेच भएको छ भने दोश्रोमा नेपाल बैंकको ३ करोड ५२ लाख बराबरको शेयर खरिदबिक्री भएको छ ।

हेरौं सर्वाधिक कमाउने र गुमाउने कम्पनीहरु :

 प्राविधिक विश्लेषण:

प्रतिरोध : ११२०            बन्द बिन्दु : १११०.०८             टेवा : ११००

१० कारोबार अवधिलाई हेर्दा नेप्सेको चाल घट्ने क्रममा रहेपनि आज बजारमा माग बढ्न थालेको छ । अन्तिम दिनमा मैनबत्ती चित्रले डोजी आकृति बनाएको छ । यसले घटीरहेको बजार परिवर्तन हुनसक्ने संकेत गर्दछ । आरएसआईको रेखाले बजारको सन्तुलन गुमाएको अर्थात “न्युट्रल जोन” भन्दा तल झरेको छ । यसले बजारमा आपूर्ति बढी रहेको संकेत गरेको छ। “आरएसआई” २९ दशमलब ८१ बिन्दुमा छ।

“एडीएक्स”ले केहि समय अघिदेखि आपूर्ति हावी रहेकोमा हाल कमजोर हुँदै गएको संकेत गरेको छ । जोड र बिजोड डाइरेक्सनल इन्डेक्स फेरि टाढिदै गएकोले पुन बजारमा आपूर्ति बढ्न थालेको संकेत गरेको छ । “अन ब्यालेन्स भल्यूम”ले हालसम्म बजारमा माग भन्दा आपूर्ति बढेको संकेत गरेको देखिन्छ ।  नेप्से बढेमा पहिलो प्रतिरोध ११२० मा पाउने देखिन्छ र घटेमा पहिलो टेवा ११०० मा पाउने देखिन्छ ।