आज अन्तिम समयसम्म पनि खरिदकर्ता आक्रामक, कारोवारले भने दिएन साथ (प्राविधिक विश्लेषण सहित)

११ मंसिर, काठमाडाैं । आज नेप्से परिसूचक ८ दशमलव ३० अंकले बढेको छ। आज नेप्से परिसूचकमा शुन्य दशमलव ७५ प्रतिशतको वृद्धि देखिएको हाे ।  नेप्से परिसूचक १११७ दशमलव ४६ को बिन्दुमा बन्द भएको छ ।

दिनभरमा  २१ करोड २३ लाख बराबरको शेयर किनबेच भएको छ ।  १६५ कम्पनीका ७ लाख ३८ हजार कित्ता शेयर किनबेच भएको थियाे ।

विभिन्न समयमा नेप्से परिसूचक :
आज नेप्से परिसूचक अन्तिम समयमा १११७ दशमलव ४६ को बिन्दुमा बन्द भएको थियो । यसलाई प्राविधिक भाषामा “ईण्ट्राडे हाई” भनिन्छ । इण्ट्राडे हाई हुँदा अन्तिम समयसम्म पनि शेयर खरिद गर्ने खरिदकर्ता नै आक्रामक भएको देखिन्छ । यस्तो प्रवृत्तिलाई सकारात्मक प्रवृत्ति मानिएपनि “इण्ट्राडे हाई”लाई कारोवार रकमले साथ दिनु पर्नेमा त्यो भने हुन सकेन । बजार ११ बजेर ३७ मिनेटमा सबै भन्दा न्यून ११०८ दशमलव ०२ को बिन्दुमा पुगेको थियो ।

हेरौं आज सर्वाधिक कारोवार हुने कम्पनीहरु :

हेरौं सर्वाधिक कमाउने र गुमाउने कम्पनीहरु :

प्राविधिक विश्लेषण:

प्रतिरोध : ११२१   टेवा : ११००

• आज नेप्सेमा खरिदकर्ताको चाप रहेको छ । कारोबार भने घटेको छ । अन्तिम दिनको मैनबत्ती चित्रले “बुलिस मारुबोजु” आकृति बनाएको छ। यसले केहि समयको लागि बजारमा खरिदकर्ताको चाप हुन सक्ने संकेत गर्दछ ।
• “आरएसआई” अझै पनि “न्यूट्रल जोन”भन्दा तल रहेको छ । आरएसआई २९ दशमलब ४१ बिन्दुमा छ ।
• “एडीएक्स”ले केहि समय अघिदेखि आपूर्ति हावी रहेकोमा हाल कमजोर हुँदै गएको संकेत गरेको छ ।
• जोड र बेजोड डाइरेक्सनल इन्डेक्स केहि मात्रामा नजिकिएकोले बजारमा माग बढ्न थालेको संकेत गरेको छ ।
• “अन ब्यालेन्स भल्यूम”ले हालसम्म बजारमा माग बढ्न थालेको संकेत गरेको देखिन्छ । नेप्से बढेमा पहिलो प्रतिरोध ११२१ मा पाउने देखिन्छ र घटेमा पहिलो टेवा ११०० मा पाउने देखिन्छ ।