चार महिनाभित्र पुर्निमाणको काम सक्ने तयारी

मिना कंडेल

१२ मंसिर, नवलपुर । भुकम्पबाट प्रभाबित नवलपरासी पुर्व र पश्चिममा ९१ प्रतिशत नीजि संरचना निर्माण भएको छ । चार महिना भित्र नीजि पुर्नसंरचनाको पुर्निर्माणको काम सबै सक्ने जनाईएको छ ।

वि.सं २०७२ बैशाख १२ को बिनाशकारी भुकम्पका कारण पुर्वी र पश्चिम नवलपरासीमा ८७२ घर पुर्ण रुपमा क्षति भएका थिए भने २०८ वटा विद्यालयका ५१३ कक्षा कोठा पुर्ण रुपमा क्षति भएका थिए । अहिले सम्म ९१ प्रतिशत नीजि घरहरु निर्माण सम्पन्न भैसकेको ८० प्रतिशत सेबाग्राहीले तेश्रो किस्ता समेत लगिसकेका र बाँकीले पनि यो महिनासम्म अन्तिम किस्ता लगिसक्ने प्रमुख कार्कीले बताए ।

प्राधिकरणले नीजि घरका लागि यो बर्ष तीन करोड निकाशा दिएको छ भने अहिलेसम्म एक करोड ५० लाख खर्च भएको र बाँकी पनि खर्च हुने गरि पुर्ननिर्माण को काम भैरहेको कार्कीले बताए । विद्यालयको कक्षा कोठा निर्माणका लागि १२ करोड ६० हजार निकाशा दिएको जिल्ला आयोजना कार्यान्बयन ईकाईले जनाएको छ । यो वर्ष भूक्तानी हुनु पर्ने चार करोड अझै अपुग रहेको छ ।

पुर्व र पश्चिम दुबै जिल्लामा २०८ विद्यालयका ५१३ कक्षा कोठा पुर्ण रुपमा भुकम्पका कारण क्षति भएका ३५ बिद्यालयका १०८ कक्षा कोठा हरु निर्माण भैरहेका र अझै ३५० कक्षा कोठा निर्माण गर्न बाँकी रहेको बताइएको छ । पुर्व र पश्चिम नवलपरासीमा हाल कावासोतीमा रहेको आयोजना ईकाईबाटै दुबै जिल्लाको काम भैरहेको छ ।

सात नगरपालिकामा ३०९ नीजि घर क्षतिग्रस्त भएकोमा तीन सय घरको निर्माण सम्पन्न भैसकेको र बाँकी घरहरु चैत्र मसान्त भित्र सम्पन्न भैसक्ने र आठ गाउँपालिकामा ५५४ घर पुर्ण रुपमा क्षति भएकामा पाँच सय को निर्माण सम्पन्न भैसकेको र अरु पनि सम्पन्न हुने चरणमा रहेको आयोजना प्रमुख कार्कीले बताए ।